web counter
LEXO PA REKLAMA!

SHKARKO APP

App Store
Google Play

E fundit!

x

Basha degradoi në vitin 2017/ Ish anëtari i Këshillit Kombëtar "skanon" kreun e PD

3 Korrik 2019, 09:15, Aktualitet CNA

PD është e ndarë në dy grupe, ose je me Bashën ose kundër tij.

Kështu ka deklaruar ish anëtari i Këshillit Kombëtar të PD-së, Edvin Kulluri.

Sipas të njëjti, problemi më i madh pa kthim që ka nisur për kreun e PD-së, është viti 2017.

“Në 2015 PD kishte shancin të ngrihej në raport me 2013 dhe pati një ngritje me vota diku tek 75-80 mijë, ndërkohë që mazhoranca e asaj kohe humbi 150 mijë vota. E kuptueshme që mund të humbeshin zgjedhjet, se liderishipi do kohën e vet dhe koha ishte e pamjaftueshme.

Problemi më i madh dhe pa kthim që ka nisur për kreun e PD, është 2017. Marrëveshja, listat, qeveria teknike, dhe mos reagimi i Bashës , pra kokëfortësia e Bashës për të vazhduar me vendimmarrje personale, pa forume, pa diskutim”, ka thënë Kulluri në emisionin “Natë”, me Rezar Xhaxhiun.

Sipas tij PD, sot është një parti heshtur ku nuk debatohet dhe diskutohet, por vetëm vendoset nga Basha.

“Sot në Këshillin Kombëtar të Partisë nuk ka më debat. A e dini të jetë bërë ndonjë debat kur janë djegur mandatet apo në mbledhjet e fundit. Çfarë ka ndodhur? Ka zmadhuar numrin e përfaqësuesve të Këshillit Kombëtar dhe ka ulur nivelin e përfaqësimit. 80 përqind e anëtarëve janë njerëz anonim të panjohur për publikun”, është shprehur më tej Kulluri./CNA.al





Lajmet e fundit nga