E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

U nderua me medaljen “Ylli i Mirënjohjes Publike”/ Gent Mullai, mesazh për Ina Nukës

3 Korrik 2019, 07:06, Aktualitet CNA

Zëdhënësi i Policisë së Shtetit, Gent Mullai i ka drejtuar një mesazh Ina Nukës, pasi kjo e fundit u nderua nga kryeministri Rama me medalje e ?Ylli i Mirënjohjes Publike?.

Në një postim në rrjetet sociale, Mullai shkruan se ?Medalja për ty e akorduar nga Kryeministri, është një mesazh i qartë për të gjithë ne, në zbatimin e ligjit dhe respekt të qytetarëve.

Ke bërë gjënë më të mirë për veten, organizatën ku punon dhe shoqërinë ku bën pjesë.

Ndaj ti nuk je telenovelë, as 60 kolegët e tjerë të lënduar më pak se ti, por je dëshmi e gjallë e një punonjësi policie, model për komunitetin, je detyrim për të të pasur përherë në qendër të vëmëndjes, sepse mbështetja jote është inkurajim për të gjithë ne.?.

Postimi i plotë:

Yllin e Mirënjohjes Publike

22 Nëntor 2018, ditë e veçantë për mua, ditëlindja ime, ditëlindje që kam gati dy dekada që e festoj në punë, e kam festuar duke punuar, si ditë të zakonshme dhe për këtë s’më vjen aspak keq, pasi edhe gjatë një interviste që kam dhënë para një dekade në një gazetë kombëtare, e kam cilësuar Policinë si “Dashurinë time të parë”.

Por 22 Nëntori i 2018-tës ishte jo i gëzueshëm për mua, por shumë i dhimbshëm, pasi jo vetëm që e kalova në punë e protesta gjithë ditën, duke përjetuar sulmin me kapsolla e gurë mbi kolegët e mi, por dhimbja kulmoi me plagosjen e koleges, shoqes e mikes tonë Ina Nuka, gjatë protestës para parlamentit të Shqipërisë dhe statusin për ditlindjen time ia kushtova koleges tonë të nderuar.

Të jem i sinqertë deri atë ditë, Inën as nuk e njihja dhe për fat të keq e njoha nëpërmjet ekranit të televizorit, nga lotët, dhimbja dhe thirrjet e saj të pafajshme, e më pas në Spitalin Ushtarak, për t’i shprehur solidaritetin për ngjarjen gati tragjike për jetën e saj.

Çuditërisht edhe pse me njërën dorë, gishtat e së cilës pothuaj ishin këputur, pavarësisht dhimbjeve, Ina gjente forcë të falënderonte cilindo që i shkonte pranë për ta parë. Forca dhe kurajua e saj edhe pse vajzë e re (ne meshkujt shpesh i quajmë të dobëta), më bëri të ndihesha krenar por edhe më dhembi shumë në shpirt.

E ndoqa Inën gjatë gjithë kohës, duke ndarë dhimbjen me të, në luftën dhe përpjekjet e saj për të rikuperuar sadopak gishtat e dorës.

Kryeministri i Vendit, Ministri i Brendshëm dhe Drejtori i Përgjithshëm i Policisë iu gjendën pranë, dhe falë ndërhyrjes së Kryeministrit të vendit dhe mbështetjes së Kryeministrit të Turqisë, Ina sot ka rikuperuar rreth 80 % të dëmtimit të gishtave të dorës.

Gjatë ditëve të luftës së saj me dhimbjen, në të gjitha gazetat dhe televizionet, Ina ishte lajm i ditës, aq sa u solidarizua shumica qytetarëve.

Kërkesa të shumta për ta bërë personazh, për intervista, për ta marrë si model të femrës në Polici, komente mbështetëse pafund (edhe kritikët nuk munguan).

E megjithatë erdhëm sot, në ditën kur Kryeministri Edi Rama i akordoi Inës, Yllin e Mirënjohjes Publike, me motivacionin: “Për shëmbullin e rrallë të përkushtimit në detyrë, në kushte profesionale dhe njerëzore ekstreme, për të mundësuar paprekshmërinë e vijimësisë së punës së institucioneve, në respekt të pacënueshmërisë së të drejtave themelore të qytetarëve dhe integritetit të tyre fizik”.

E nderuar Ina!
U ula të shkruaj, për dy arsye.
E para, të marrësh yllin e mirënjohjes publike, është shumë e rrallë dhe shumë privilegj i madh. Të paktë e marrin këtë medalje, rrallë fitohet mirënjohja e publikut, ndaj është vlerësim për ty e për gjithë organizatën tonë.

Dhe e dyta, sot ndryshe nga herët e tjera, pakkush e cilësoi si telenovelë, ca kush e cilësuan si përdorje të fatëkeqësisë tënde.

Ina, ti u gjymtove dhe rrezikove edhe jetën në punën tënde, në të drejtën tënde pa cënuar askënd e pa tejkaluar aspak kompetencat që të jep detyra dhe ligji.

Është detyrim madhor i drejtuesve tanë që të na mbështesin, jo vetëm në ditën e fatëkeqëisë, por në vijimësi dhe medalja sot ishte kuptimplotë.

Jemi me ty dhe duhet të jemi me të gjithë ata që respektojnë ligjin, respektojnë qytetarët, u shërbejnë atyre dhe respektojë liritë dhe të drejtat e tyre.

Ndaj sot medalja për ty e akorduar nga Kryeministri, është një mesazh i qartë për të gjithë ne, në zbatimin e ligjit dhe respekt të qytetarëve.

Ke bërë gjënë më të mirë për veten, organizatën ku punon dhe shoqërinë ku bën pjesë.

Urime Ina në rrugën e vështirë por të bukur në shërbim të qytetarëve./ CNA.al