web counter
LEXO PA REKLAMA!

SHKARKO APP

App Store
Google Play

Rama i përgjigjet letrës së Metës/ I vë “vulën” 30 qershorit  

28 Qershor 2019, 09:13, Aktualitet CNA

Nga Himara, kryeministri Edi Rama ka komentuar dekretin e tretë të presidentit Ilir Meta, mbi datën e re të zgjedhjeve vendore.

“Hazhi Qametaj s’di se çfarë bën me dekretet e tij, s’di çfarë vulos. Janë vulat e panikut, e dëshpërimit dhe të grahmave të fundit të një revolucioni imagjinar që që nga dje e ka selinë në Presidencë”, tha Rama.

Gjithashtu Rama ka rishprehur qëndrimin e palëkundur të mazhorancës, për të mos u tërhequr nga 30 qershori.

?30 qershorin nuk e luan as Topi, jo më ta luajë filxhani ku Monika ka zhytur të gjithë opozitën?-tha Rama.

Ndërsa sa i takon letrës publike që Meta i drejtoi një ditë më parë, Rama tha ?Babaxhikja më kishte çuar edhe një letër dashurie, çuditërisht pasi u dogj KZAZ-ja. Dashuri me kod, që shiko Edi ca po ndodh, por reflekto. Më kujton edhe Ramiz Alinë, që i shtyu zgjedhjet. Por ai u shtyu zgjedhjet sepse e kishte gjithë popullin në rrugë, ishin ngritur kundër sistemit. Edhe ai na del burrë shteti se shtyu zgjedhjet, sepse do ta hidhnin në fund të detit bashkë me të gjithë klikën e partisë. Por tani cili popull është ngritur??./ CNA.al





Lajmet e fundit nga