web counter
LEXO PA REKLAMA!

SHKARKO APP

App Store
Google Play

Molotov shkollës/ Policia shoqëron 9 protestues

27 Qershor 2019, 19:52, Aktualitet CNA

Pas ngjarjes së Shkodrës, ku simpatizantë të PD-së sulmuan me molotov ambientet e KZAZ-së nr.6 në Bushat duke lënë të plagosur edhe tre efektivë, policia ka nisur edhe shoqërimet e para.

Mësohet se deri më tani polica ka shoqëruar 9 persona, ndërsa po punon për kapjen dhe shoqërimin e personave të tjerë të përfshirë në ngjarje.

Njoftimi i plotë

Policia e Shkodrës deklaron se shkolla ku është vendosur KZAZ-ja u sulmua me bomba molotov dhe mjete të tjera të forta nga militantët e PD-së, ndërsa nga ngjarja u plagosën 3 policë. Deri tani 9 persona janë shoqëruar.

“Sonte, rreth orës 20:00 janë grumbulluar rreth 200-250 simpatizant të PD, tek KZAZ nr.6 e cila ështe ngritur prane një shkolle në Bushat, Vau i Dejës.

Gjatë protestës ata kanë sulmuar KZAZ duke përdorur bomba molotov dhe mjete të tjera të forta.

Për pasojë janë plagosur 3 punojës policie të Komisariatit Vau Dejës, që ishin në shërbim. Ata po marrin ndihmë mjekesore në Spitalin Rajonal Shkodër.

Deri tani janë shoqëruar 9 persona dhe vazhdon puna per kapjen dhe shoqerimin e personave të tjerë, te perfshire ne ngjarje.

Grupi hetimor i ngritur për çeshtjen, në bashkëpunim me Prokurorinë po kryen veprime intensive hetimore për vënien përpara ligjit të autorëve dhe drejtuesve të sulmit” njofton policia./CNA.al





Lajmet e fundit nga