E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pse është i preferuari i perëndimorëve?/ Profesori austriak i heq Ramës maskën e iluzionistit

27 Qershor 2019, 18:00, Aktualitet CNA

Që një pjesë e konsiderueshme e zyrtarëve perëndimorë dhe atyre evropianë, shprehin konsiderata për qeverisjen dhe kryeministrin Edi Rama, ky tashmë është fakt i njohur. Por jo i pranueshëm nga jo pak shqiptarë, që këtë mënyrë qeverisjeje, si edhe zhgënimin ndaj Edi Ramës e artikulojnë haptazi.

Pra, nga njera anë, vetëm lëvdata prej zyrtarëve të Perëndimit dhe, nga ana tjetër, zhgënjim për taksapaguesit shqiptar që i besuan fatet e qeverisjes së vendit. Kjo është aureola e dualizmit me të cilën vijon të shfaqet ende në horizontin e vitit të shtatë të qeverisjes Edi Rama, ndonëse një thes me skandale, jo dosido, si dhe varfëria masive e kanë ndjekur vit pas viti qeverisjen e tij. Si shpjegohet kjo?

I intervistuar nga radioja gjermane “DW”, profesori i Historisë së Europës Juglindore në Universitetin e Vjenës,Oliver Jens Schmitt, i ka dhenë përgjigje edhe këtij dualizmi.

Profesor Schmitt është njohës i thellë i Shqipërisë dhe shqiptarëve në Evropë.

Z. Schmitt është anëtar i rregullt i Akademisë Austriake të Shkencave dhe anëtar Nderi i Akademisë së Shkencave të Kosovës. Ka botuar një sërë librash për Shqipërinë dhe Kosovën, ndër të tjera, edhe librin Skënderbeu (2009), vepër e cila shkaktoi debate shumë të ashpra në opinionin shqiptar.

“DW”, ndër të tjera, i adresoi Prof. Schmitt pyetjen: “Ju jeni shumë kritik ndaj qeverisjes së Edi Ramës, ndërsa nga zyrtarët perëndimorë dhe evropianë dëgjojmë thuajse vetëm lëvdata. Si shpjegohet kjo?

“Kjo ka të bëjë, nga njëra anë, me mungesën e njohurive për Shqipërinë dhe, nga ana tjetër, me mënyrën tejet kreative të prezantimit të Edi Ramës në perëndim, si artist dhe njëherazi kryeministër. Shumë gazetarë në perëndim i besojnë me naivitet këtij iluzioni se një artist i mirë mund të jetë edhe kryeministër i mirë. Në nivelin politik, këtu kemi të bëjmë me fenomenin e stabilokracisë, të cilin e shohim edhe në vende të tjera të rajonit, si Serbi e Mal të Zi. Për perëndimin këto vende janë garante të stabilitetit, dhe si kompensim, perëndimi nuk përzihet në punët e tyre të brendshme. Qytetarët e këtyre vendeve duan një jetë normale që të mos largohen nga vendi. Ky është një problem fondamental, që Perëndimi nuk ndërhyn as për të mbrojtur vlerat demokratike”, është përgjigja e profesori Oliver Jens Schmitt. /CNA.al