web counter
LEXO PA REKLAMA!

SHKARKO APP

App Store
Google Play

E fundit!

x

Prona me paratë e prostitucionit/ Sekuestrohen 1.5 milion euro pasuri

27 Qershor 2019, 15:25, Aktualitet CNA

Seksioni për Hetimin e Krimit Ekonomik e Financiar, ka sekuestruar reth 1.5 milion euro pasuri në qytetin e Vlorës.
Bëhet fjalë për 5 apartamente banimi, 1 vilë trekatëshe, 1 mjet lundrimi, anije peshkimi si dhe 4 automjete, të cilat ishin nën pronësi të Maks Merkajt.
“Këto sekuestrime pasurore janë në kuadër të procedimit penal pro-aktiv të vitit 2018, ndaj shtetasit Maks Merkaj si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”, thuhet në njoftimin e Policisë.

Njoftimi i Policisë:

Sekuestro preventive mbi disa pasuri me vlerë rreth 1.5 milion euro, që dyshohen se janë ngritur me pastrim parash
Seksioni për Hetimin e Krimit Ekonomik e Financiar pranë Drejtorisë Vendore të Policisë Vlorë, në bashkëpunim me Prokurorinë e Rrethit Gjyqësor Vlorë, zbatuan vendimin penal të Gjykatës së Shkallës së Parë Vlorë, për vendosjen e sekuestros preventive mbi disa objekte:
? 5 apartamente banimi;
? 1 vilë trekatëshe;
? 1 mjet lundrimi, anije peshkimi;
? 4 automjete.
Këto sekuestrime pasurore janë në kuadër të procedimit penal pro-aktiv të vitit 2018, ndaj shtetasit M.M. si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”.
Vlera financiare e këtyre pasurive kap shifrën rreth 1.503.000 euro.
Vijojnë veprimet e tjera proceduriale, nga Prokuroria pranë Gjykatës së Shkallës së Parë Vlorë./CNA.al





Lajmet e fundit nga