Nga Mitropoliti i Elbasanit Hirësi Andoni/ Kryepiskopi Anastas 27 vite në krye të KOASH-it

24 Qershor 2019, 16:04, Aktualitet CNA

Mitropoliti i Elbasanit Imzot Andoni në një intervistë në Radio Ngjallja ka përshkruar 27 vitet e Kryepiskopit Anastas në krye të Kishës Orthodokse Autoqefale në Shqipëri.

Hirësi Imzot Andoni foli rreth vështirësive dhe arritjeve të Kryepiskopit Anastas gjatë këtyre 27 viteve në Shqipëri.

Intervista e plotë:

Hirësi Andoni kanë kaluar 27 vite nga momenti që Kryepiskopi Anatstas erdhi në krye të Kishës Orthodokse Autoqefale të Shqipërisë një përshkrim të shkurtër të këtyre 27 viteve?

Me të vërtetë duken shumë vite por për historinë e një kishe është një moment i shkurtër. Ajo që është realizuar për 27 vite do ishte e vështirë të realizohej për dekada të tjera e mbase 100 vjeçarë sepse në këtë periudhë kaq të shkurtër është dashur të ringrihen dhe të rindërtohen kisha, katedrale gjithashtu edhe monumente culture. Kontributi i kryepiskopit është i gjithanshëm jo vetëm në këtë drejtim por edhe në ngritjen e strukturave njerzore, e klerikëve, e katekistëve gjatë gjithë këtyre viteve ku janë përgatitur kanë studiuar dhe kanë dalë klerikë teologë nga studio e shkollave tona ku edhe sot e kësaj dite shërbejnë me dinjitet dhe të përgatitet me nivelet më të larta që ka pasur ndonjëherë kisha Orthodokse e Shqipërisë. Është pak e lehtë të flitet sot, por e vështirë për tu kuptuar gjithë ajo përpjekje e kryepiskopit dhe bashkëpunëtorëve të tij duke pasur parasysh vështirësite që kishte Shqipëria dhe mundësitë e pakta për të filluar diçka. Për këtë arsye edhe puna e Kryepiskopit këtu nga njerëz që e njihnin nga afër e kuptonin që do të ishte një sfidë e madhe me rreziqet e saja dhe me mundësinë që ndoshta mund të mos ia dali dot. Këtu duket origjinaliteti i njerëzve që marrin përsipër rreziqe me kosto të lartë, por nga krahu tjetër edhe ajo që ai e thotë vetë zakonisht në kohën kur në Shqipëri njerëzit largoheshin nga ky vend dhe nuk shikonin asnjë lloj shprese vetëm dashuria për Zotin dhe për njerëzit mund të bëjë dikë që të vijë këtu dhe të sakrifikohet. Ardhja në Shqipëri dhe qënia e Kryepiskop i kësaj kishe nuk ishte një privilegj por ishte një sakrifcicë e madhe dhe me sfidat e vështirësitë që do të kalonte. Kryepiskopi ishte personalitet në Greqi ishte pedagog ishte dekan ishte përfaqësues dhe drejtues i një organizate të madhe në kishë dhe kishte një kontribut të madh në çështjet e misionit , predikimin e Ungjillit. Kjo ishte edhe arsyeja që ai vajti në Afrikë atje gjithashtu kishte angazhime konkrete në Kenia. Ishte një person i përgatitur nga perëndia dhe për këtë arsye edhe Patriarkanet Gumenike e pa si personin më të përshtatshmë për të ngritur nga themelet Kishën Orthodokse Autoqefale të Shqipërisë, duke i siguruar asaj dinjitetin që kishte si autoqefale por gjithashtu edhe dinjitetin me kishat e tjera. Për hir të tij ne jemi përfaqësuar në të gjitha rangjet madje edhe ndërfetare. Figura e Kryepiskopit të Shqipërisë ka qenë një figurë e njohur dhe e respektuar nga të gjithë dhe ne jemi përfaqësuar në mënyrën më të mirë të mundshme me të gjitha aspektet. Në nj2ë intervistë kaq të shkurtër është e pamundur për të folur për kontributet e Kryepiskopit. Për ne si klerikë të përgatitur nga ai mbetet një figurë e një kleriku në të gjitha dimesionet e tij. Është një person i përgatitur nga ana intelektuale dhe akademike, është një hierark dhe gjithashtu është një drejtues shpirtëror, i thjeshtë, i thellë në vision dhe me dashuri për njerëzit që ka pranë për ne ka shërbyer si model i një kleriku të lartë i cili frymëzon dhe ne ndjejmë mirënjohje që jemi pranë tij. I urojmë jetë sa më të gjatë në misionin që perëndia i ka caktuar.

Hirësi ne kemi thënë shumë herë se misioni i Kryepiskopit Anastas këtu në shqipëri është një mision apostolik ku erdhi për të shpërndarë fjalën e zotit në një vend që ishte i izoluar dhe aq më tepër besimi ishte shkulur me dhunë dhe me ligj nga zemrat e besimtarëve. Kryepiskopi luajti një rol shumë të rëndësishëm në marëdhëniet fetare në vend apo jo?

Kryepiskopi ka qenë vazhdimisht i angazhuar në çështjet ndërfetare. Jo më kot ai ka qenë edhe president i feve për paqe që është me qendër në Neë York është një organizatë shumë e njohur madje me iniciativën e tij u nxit që të ndërtohej një filial në Shqipëri. Këshilli ndërfetar. Kryepiskopi thekson se ne në Shqipëri kemi një dialog jete mes feve të ndryshme. Që do të thotë nuk është se diskutohet kaq shumë midis dallimeve teologjike apo akademike por ajo që është e rëndësishme është që ne kemi marrëdhënie miqësie, respekti reciprok dhe gjithashtu një angazhim të përbashkët për çështje të ndryshme të cilat na prekin ne, prekin shoqërinë dhe vendin tonë. Kryepiskopi e ka pasuruar këtë bashkëpunim midis komuniteteve fetare, bashkëpunim në aspektin më cilësor që mund të arrihet duke dhënë një shembull edhe për ne tjerët.

Më tej gjatë intervistër Mitropoliti i Elbasanit foli edhe për rindërtimin e kishave dhe manastireve të shkatërruara, ndërtimin e qindra kishave të reja si dhe shkollave, kopshteve, klinikave të tjera që i vijnë në ndihmë njerëzve në nevojë.