E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Abuzimi i politikanëve me fëmijët/ Psikologia Denata Toçe flet për CNA.al

24 Qershor 2019, 12:48, Aktualitet CNA

Përfshirja e fëmijëve në politikë, po bëhet gjithnjë e më shumë ?trend? në vendin tonë.

Pa asnjë lloj etike apo profesionalizmi, politikanët dalin ekspozojnë në media dhe rrjete sociale, imazhet e fëmijëve.

Për hir të imazhit të tyre dhe për përfitime politike, ata nuk kursejnë as fëmijët. ?Kampioni? në këtë rast mbetet kryebashkiaku i Tiranës, Erion Veliaj, i cili nuk e ka problem të eskpozojë në media edhe fëmijë të çerdheve, mjafton që ai të shitet si ?djali i mirë dhe punëtor?, në sytë e qytetarëve.

Por, ky nuk është i vetmi. Pothuajse e gjithë klasa politike në vend, shfrytëzon imazhin e fëmijëve për përfitimet e tyre politike.

Që nga kryeministri Edi Rama, presidenti Ilir Meta, e deri te kreu i opozitës, Lulzim Basha, të gjithë abuzojnë, duke ekspozuar në mënyrë barbare fëmijët në pothuajse çdo takim që bëjnë me qytetarët.

Lidhur me këtë, CNA.al ka kontaktuar me psikologen e njohur Denata Toce, e cila theksoi se për të arritur qëllimet e tyre, tha se politikanët shkelin dhe abuzojnë mbi çdo të drejtë të tjetrit. Shumë më tepër, atë të fëmijëve.

?Unë mendoj se politika shqiptare, politikanët kanë një mungesë shumë të madhe kulturore dhe intelektuale. Kështu, kemi pak politikanë që mund të kenë integritet dhe etikë në qasjet e tyre.

Fillimisht, në çdo dimension ku ushtrohet influenca profesionale e individit, fillimisht do të duhet të ketë parametra njerëzore, për të qënë i denjë dhe i qëndrueshëm në atë që bën.

Politikanët tanë kërkojnë influencë të përkohëshme, për të arritur qëllimet e tyre, nga dhe shkelin dhe abuzojnë mbi çdo te drejtë të tjetrit. Shumë më tepër, atë të fëmijëve.?-tha Toçe.

Gjithashtu ajo tha se ?Vëreni fotot e tyre nëpër media dhe portale, janë të mbushur me fëmijë të mitur, duke i “rrëmbyer” pa etikë buzëqeshjet, veprimet dhe ojnat e tyre naive, të pafajshme për të treguar ndjeshmërinë apo simpatinë krejtësisht hipokrite të këtyre politikanëve.?

Më tej, Denata Toce u shpreh se nëse do të ishin kaq të ndjeshëm, politikanët do të siguroheshin që të mos i preknin me dorë, të mos ekspozonin fytyrat e tyre, të zhvillonin mundësi në arsim dhe shëndetësi pa qenë i nevojshëm reklamimin i tyre, madje pa dijeninë e prindërve.

?Këtë kam thënë dhe vite përpara, në çdo fushate elektorale dhe në çdo reklamim kopshtet, çerdhesh apo shkollash, por duket se puna e tyre nuk del bukur në media pa prezencën e tyre.?-tha Toçe.

Denata Toçe po ashtu foli edhe në lidhje me pjesëmarrjen e fëmijëve në protesta apo takime elektorale.

?Ç’u pa pastaj. Nuk ka nevojë për ngjyra politike në këtë reflektim të shikosh grumbullimet e qytetarëve si në prezantime elektorale edhe nëpër protesta.

Një prej gazetarëve pyet vajzen e vogël: ke ardhur me dëshirën tende apo të babait?

Ajo tha: per t’i bere qejfin babit. Gazetarja: Po këtë trëndafil simbolik ishte ideja jote?

Jo, e babit (qesh me ndroje)

Prindi padiskutim që ka një përgjegjësi për rritjen dhe edukimin e fëmijëve, dhe unë i bej thirrje se nuk janë grumbullimet politike, vendet më të sigurta dhe më të përshtatshme për të sjellë fëmijët, në favor të një atmosfere paqeje.

Paqja dhe qetësia e grumbulimeve është një e mirë qytetare, por fëmijët nuk janë ata që duhet ta legjitimojnë.

Nën efektin e turmës, jo domosdoshmërisht për faj të ndokujt, gjithçka mund të ndodhë. Por gjithësesi, kjo është përgjegjësia e kujdestarit të fëmijës.

Sa për politikanët, kujdesi i tyre duhet të jetë profesional dhe etik. Ju premtoj se do respektoheni shumë herë më tepër nga të gjithë ne.?-tha Denata Toçe, për CNA.al

Politikë e pështirë/ Veliaj, Rama, Basha dhe Meta nuk kursejnë as fëmijët