web counter
LEXO PA REKLAMA!

SHKARKO APP

Përmbyllet një muaj plot sakrifica/ Besimtarët myslimanë kremtojnë sot Fitër Bajramin

4 Qershor 2019, 06:19, Aktualitet CNA

Në përmbyllje të një muaji të gjatë e plot sakrifica, besimtarët myslimanë kremtojnë sot Fitër Bajramin.

Mëngjesin e sotëm, besimtarët myslimanë ishin pjesë e festimeve dhe faljes së namazit të Bajramit të organizuar në sheshin ?Skënderbej? në Tiranë.

Kryetari i Komunitetit Mysliman të Shqipërisë, Bujar Spahiu, u lut që Zoti në këtë festë ta begatojë dhe ta mbushë me mirësi dhe paqe vendin tonë, ndërsa apeloi që kryefjalë e vëmendjes tonë të jenë fëmijët, të moshuarit, të sëmurët dhe shtresat në nevojë.

?Gjatë këtyre ditëve të mos mungojë vëmendja jonë ndaj fëmijëve, prindërve, të moshuarve, të sëmurëve dhe shtresës në nevojë. Le të heshtim në vend të fjalës së keqe, e kur të flasim, të flasim bukur?, u shpreh Spahiu.

Fitër Bajrami është festa, e cila bëhet pas mbarimit të muajit të Ramazanit, një muaj plot sakrifica.

Emri Fitër Bajram vjen nga fakti se myslimanët para ditës së Bajramit shpërndajnë lëmoshë, solidarizohen me të varfrit, dhe kështu në këtë mënyrë festojnë së bashku këtë festë./CNA.al





Lajmet e fundit nga