web counter
LEXO PA REKLAMA!

SHKARKO APP

E fundit!

x

 Lufta civile ndez studion/ Deputeti Gjuzi-Myftarajt: Je diktator studiosh televizive!

3 Qershor 2019, 20:31, Aktualitet CNA

?Po afron gjakderdhja apo arsyeja??? është tema e përzgjedhur për tu diskutuar mbrëmjen e sotme në studion e “360grade”, ku krahas të ftuarve të tjerë janë dhe moderatori Kastriot Myftaraj e deputeti Kujtim Gjuzi, njëherësh dhe kryetar i Partisë Konservatore.

Midis moderatorit Myftaraj e deputetit Kujtim Gjuzi është ndezur debat i ashpër, lidhur me votimin e lirë, që ende nuk është traditë në vendin tonë.

Myftaraj tha se vëndet e përparuara perëndimore kanë zhvilluar luftra civile për të fituar lirinë e votave, ndërkohë që deputeti Gjuzi e ka akuzuar se bën thirrje për luftë civile.

Debati: 

“Gjykoj që është interes publik qeveria tranziore të formohet dhe të garantojë kushte të barabarta..”,- ka qenë artikulimi i bërë nga analisti  Ervis Iljazaj.

Myftaraj: E garanton lufta civile…

Gjuzi: Jo, jo, jo. Çështë kjo luftë civile, kujt i kërkon luftë civile?!

Myftaraj: Nuk po kërkoj luftë civile, o provokator i Sandër Lleshajt. Mos provoko. E thash në kuptimin që lufta civile është frika e saj që i bën që në të tërë Evropën mos vidhen votat. Se Europa ka kaluar luftra civile për votën e lirë. Fatkeqsia jonë është që ne nuk kemi bërë revolucione për votën.

“Kemi bërë revolucione për votën, i ke 4 të vdekur në bulevard… Më lejo, më lejo të flas. Mos më ndërpri… Je një diktator studiosh televizive”, – ishin frazat që deputeti Gjuzi i adresoi Myftarajt./ CNA.al





Lajmet e fundit nga