web counter
LEXO PA REKLAMA!

SHKARKO APP

App Store
Google Play

Përplasja me Lleshajn/ Bardh Spahia tregon detajet

3 Qershor 2019, 12:58, Aktualitet CNA

Ish-deputeti i Partisë Demokratike, Bardh Spahia është shprehur për përplasjen e ndodhur mbrëmë në spitalin e Traumës mes tij e ministrit të Brendshëm, Sandër Lleshaj.

Ai thotë se ka shkuar në spital, për t’u interesuar për gjendjen e një të riu nga Fieri, por është revoltuar kur ka parë se pas tij u shtua numri i policëve në spital, pasi aty do të vinte ministri. Duke e cilësuar si show, atë që Lleshaj bëri, Spahia thotë se u revoltua kur e pa.

?Me të marrë njoftimin për disa persona të plagosur, se u ndodhëm aty kur edhe u plagosën unë u nisa në Spitalin Ushtarak për t’u interesuar për gjendjen e tij. I plagosuri kishte hemorragji të madhe dhe me porosi të kryetarit Basha shkova t?i qëndroj pranë. Po komunikoja me kolegët e mi mjekë dhe aty mora vesh që kishte 4 të plagosur në total. I vizitova edhe ata, kishin dëmtime serioze. U interesova edhe për 7 policët, nuk kishin nevojë për mjekim, ishin thjesht në regjim shtrati. Njëri kishte një hematomë të vogël në vetull, tjetri në pulpë, edhe ajo pa probleme. Me pak fjalë ishin dëmtime sipërfaqësore. Në një moment vërshuan forca të shumta policie u mbush spitali me civilë e policë, pas tyre hyri ministri i shoqëruar me ekipin e tij me kamera në dorë. Donte të bënte një shoë të neveritshëm?,-  ka thënë Spahia për News 24.

?Më thanë vetë policët që s?mund të largoheshin nga spitali deri sa të vinte ministri të bënte show bashkë me drejtorin e përgjithshëm të Policisë. Aq e vërtetë është kjo sa pasi iku ministri, ikën edhe shumica e policëve?,- vijoi ai./CNA.al





Lajmet e fundit nga