E fundit!

11:24 Aktualitet

Bordi i Transparencës merr vendimin/ Ja çmimet e reja për karburantet

Bordi i Transparencës ka njoftuar se çmimi i shitjes me pa...

Spartak Ngjela zbulon prapaskenat/ “Bashës i erdhi kërcënimi nga Uashingtoni”

30 Maj 2019, 17:45, Aktualitet CNA

Avokat Spartak Ngjela, në një postim në rrjetet sociale, ka bërë një analizë të situatës politike në vend.

Sipas Ngjelës: Bashës i erdhi kërcënim nga Uashingtoni për dhunën në protestë dhe kjo bëri që ai të vërtitej rrugëve të Tiranës me drita telefoni.

Avokati shkruan se edhe Rama është shqetësuar nga kjo situatë pasi nuk e ndihmon dot më hordhitë destabilizuese.

Analiza e plotë e Ngjelës:

Cili është faktori më i fortë i pranimit të Shqipërisë në Bashkimin Europian?

l.
Faktori më i fortë për pranimin e Shqipërisë në BE është ndërhyrja ruse për të destabilizuar botën shqiptare në Ballkanin Perëndimor, sidomos, Shqipërinë në fillim dhe Kosovën më pas.
Por a i ka mundësitë politika ruse që ta bëjë këtë destabilizim?

Politikani i lartë amerikan, Palmer, para një muaji deklaroi në Tiranë se “targeti rus ndaj Shqipërisë është shumë i vështirë”.

Kuptohet se politika amerikane mu në Tiranë ua tha këtë forcave destruktive që kërkojnë destabilizim, hordhive të Partisë Demokratike, e cila u duk se pas kësaj, sikur u revoltua edhe më dhe e sulmoi gjendjen me granada Molotov. Të pa para kurrë në historinë e Shqipërisë.

Por çndodhi pas kësaj që në protestën e fundit hordhitë u bënë “pula të qytetëruara?”

Bashës i erdhi kërcënimi nga Uashingtoni: politika e lartë amerikane i tha: “nëse nuk hiqni dorë nga dhuna, Partinë Demokratike do ta shpallim parti terroriste”.
Në fakt ky ishte fundi.

Edhe Moska u habit me xhiron paqësore dhe me dritë telefonash të të “revoltuarëve të Tiranës”.

ll.
Por mos mendoni që Rama u ndje komod. Është i shqetësuar por tani nuk i ndihmon dot më hordhitë destabilizuese, se sigurisht që e di kërcënimin deklarativ të politikës amerikane për shpalljen e partisë terroriste.

lll.
Të gjitha këto bashkohen dhe na çojnë në përfundimin se pranimi i Shqipërisë në Bashkimin Europian është sot domosdoshmëri e politikës globale perëndimore. Ky është mendim i prerë i politikës korente amerikane dhe gjermane. Koha e solli që politika e lartë gjermane, anëtarëve
të Bashkimit Europian, kundërshtues të hapjes së negociatave me Shqipërinë, t’iu kujtojë që “ky kundërshtim është interesi rus në Ballkanin Perëndimor”.
E pra, ky duhet të jetë argumenti më i fortë për pranimin e Shqipërisë në Bashkimin Europian shumë shpejt pas çeljes së negociatave.
Po opozita jashtëparlamentare e antiteformë, çduhet të bëjë? Duhet të ketë shumë kujdes: Shqipëria nuk mumd të destabilizohet, kjo është pamundësi absolute…/CNA.al