Shëndetësia falas/ Hajdari i 'nxjerr bojën' Ramës

30 Maj 2019, 11:08, Aktualitet CNA

Deputetja demokrate Rudina Hajdari ka replikuar me kryeministrin Edi Rama gjatë seancës së sotme planare.

Hajdari ka thënë ndër të tjera se ato që Rama tha për shëndetësinë, integrimin dhe rrugët nuk janë të vërteta. Ajo shtoi se Shqipëria sot është më keq se kurrë dhe se shëndetësia falas nuk ekziston.

?Ku ka shëndetësi në Shqipëri? Ku një doktor paguhet 780 mijë lekë të vjetra. Ju flisni për rrugë por nuk keni bërë asnjë rrugë të re. Keni vënë traun, dhe kërkoni të vini akoma më shumë tra. Keni vënë traun në rrugën Tiranë-Durrës, në rrugën e Kombit.

Ç’kusur kam unë të merrem me kusuret e kundërshtimeve, e cdo gjëje që ka ndodhur në këtë kuvend, ç’kusur kam të merrem me opozitën që thotë se jam palë me ju, pse unë sot mund të mos kem bindjet e mia në këtë vend? tha ndër të tjera Rudina Hajdari.

Rudina Hajdari: Zoti kryeministër të dëgjova me vëmendje siç më takon për të dëgjuar këtë parlament, këtë kryeministër, që foli për shumë gjëra, për integrim, për shëndetësi, për rrugë, tendera, por ama si ka mundësi që ju mbani këto zonja të dashura këtu dhe nuk vinë ato të flasin për këto tema, por jeni ju ai që diktoni të gjitha temat. Nëse doni një parlament konstruktiv duhet të jemi sa më gjithë përfshirës dhe konstruktiv, me ministrat dhe deputetë. Ku ka shëndetësi në Shqipëri? Ku një doktor paguhet 780 mijë lekë të vjetra. Ju flisni për rrugë por nuk keni bërë asnjë rrugë të re. Keni vënë traun, dhe kërkoni të vini akoma më shumë tra. Keni vënë traun në rrugën Tiranë-Durrës, në rrugën e Kombit. Ju flisni për integrimin, por e dini që ka fshatra që duan ujë, bukë, drita, duan infrastrukturë. Këto gjëra elementare akoma mungojnë në Shqipëri. Ç’kusur kam unë të merrem me kusuret e kundërshtimeve, e cdo gjëje që ka ndodhur në këtë kuvend, ç’kusur kam të merrem me opozitën që thotë se jam palë me ju, pse unë sot mund të mos kem bindjet e mia në këtë vend, të mos merremi me fantazmat e së shkuarës, unë kam bindjet e mia dhe do të qëndrojë në këtë vend bashkë me këtë grup se ne luftojmë për një elitë politike. Nëse jeni për retorikë bëjeni siç duhet por jo me propaganda të dalë boje.

Menjëherë pas Hajdarit e rimori fjalën Kryeministri Rama i cili tha asaj se e kemi zgjedhur vet të merremi me politik prandaj nuk kemi pse të ankohemi për ?kusure?.

?Përsa i takon kusurit që ju thonë gjëra që nuk doni ti dëgjoni, ju siguroj që nuk jeni vetëm.? shtoi kryeministri Rama duke iu përgjigjur Hajdarit.

Edi Rama: Zonja Hajdari këtë kusur të gjithë e kemi zgjedhur kur kemi vendosur të merremi me politikë. Për fat të keq politika në këtë vend është ende larg së qeni arti i të marrurit vesh mes njerëzve. Përsa i takon kusurit që ju thonë gjëra që nuk doni ti dëgjoni, ju siguroj që nuk jeni vetëm. Por është pjesë e zgjedhjes që bëjmë. Është e drejta dhe puna juaj, nuk mund t’i ankoheni askujt se atë kusur e keni për vete. Siç do thoshte Kujtim Gjuzi, çdo kush mban kryqin e vet. Sa i përket retorikës. Nuk është fjalë e keqe, është art. Zonja Hajdari ju duhet ta mësoni që deri para pak vitesh pjesa më e varfër që nuk ishin të siguruar paguanin çdo ilaç nga xhepi, sot prej disa vitesh ata janë në skemën e rimbursimit, 600 mijë./CNA.al