“Krimi kërcënon gazetarët”/ Der Standard: Rama dhe Basha po “fundosin” Shqipërinë

30 Maj 2019, 09:44, Aktualitet CNA

Gazeta austriake ?Der Standard?, ka bërë një shkrim në lidhje me situatën politike në Shqipëri.

Autori i shkrimit, Adelheid Woelfl, nuk i ka kursyer kritikat qoftë ndaj kryeministrit Rama, por edhe ndaj opozitës.

Sipas tij, Rama është nacionalist dhe autoritar. Gjithashtu ai risjell në vëmendje edhe sulmet ndaj mediave, ndërsa thekson se gazetarët janë vazhdimisht nën presionin e qeverisë dhe krimit të organizuar.

?Kryeministri shqiptar, Edi Rama, po ndjek një kurs shumë nacionalist dhe po simpatizon gjithmonë idetë e Shqipërisë së Madhe. Ai përpiqet ta portretizojë veten si udhëheqës të shqiptarëve në rajon. Po ashtu, Rama ka ngritur vazhdimisht qytetarët kosovarë në poste ministrore në Shqipëri. Zëvendësministri i Jashtëm, Gent Cakaj është kosovar.

Ai erdhi në detyrë, kur Rama shkarkoi në janar ministrin e Jashtëm të njohur ndërkombëtarisht, Ditmir Bushati. Bushati e kishte kundërshtuar idenë e orientuar nga Rama, i cili kishte folur në favor të ndarjes së Kosovës, në mënyrë që veriu, ku jetojnë shumë serbë, të bëhet pjesë e Serbisë.

Në terma afatgjatë, kjo politikë e Ramës përbën një kërcënim për integritetin e Kosovës, për shkak se forcon zërat, që kërkojnë të bashkojnë Kosovën me Shqipërinë?, shkruan ?Der Standard?.

Por, ?Der Standard? ka shigjetuar edhe Partinë Demokratike, për të cilen thotë se po përpiqet që të përfshijë Gjermaninë në konfliktin politik në Shqipëri.

Ndërsa në media raportohet se Gjermania ende nuk ka një opinion zyrtar për negociatat me Shqipërinë, ?Der Standard? shkruan se ?Konservatorët e PD kanë kontakte të mira me Gjermaninë dhe duan që BE të përfshihet në konflikt, siç ishte rasti me Maqedoninë Veriore në vitin 2015?.

Sa i takon sulmeve ndaj gazetarëve, ?Der Standard? risjell në vëmendje raportin e Reporterëve pa Kufij. ?Der Standard? i cilëson si të pashembullta sulmet ndaj mediave, ku përmend edhe rastin e padisë ndaj gazetarit Ylli Rakipi.

?Rama nuk është vetëm një nacionalist, por vepron gjithmonë e më shumë si autoritarist. Për shembull, Shqipëria ka rënë së fundmi në renditjen e Reporterëve pa Kufij me shtatë vende, në vendin e 82-të në krahasimin ndërkombëtar.

Sulmet e qeverisë dhe grupeve të krimit të organizuar kanë arritur në vitin 2018 në nivele të pashembullta. Reporterët pa Kufij kanë raportuar për fyerje, kërcënime me vdekje dhe padi ndaj gazetarëve, që kanë për qëllim t?i trembin.

Vetë Rama i quan gazetarët ?kazan?. Një nga gazetarët, Ylli Rakipi, e ka mbrojtur veten dhe ka ngritur padi ndaj Ramës. Më herët Rama e kishte paditur Rakipin, për shkak se gazetari televiziv e kishte përshkruar kreun e qeverisë si një ?kloun?.-shkruan ndër të tjera ?Der Standard?.

Po ashtu gazeta austriake thotë se partitë kryesore në Shqipëri luftojnë me njëra-tjetrën për dekada me radhë në mënyra të tilla që më shumë të kujtojnë një luftë asgjësuese sesa një mosmarrëveshje politike.

?Asnjë fjalë e mirë nuk rezervohet për kundërshtarin dhe ka vazhdimisht përpjekje për të bërë fushatë ndaj kundërshtarit politik në vende të huaja?, thuhet në shkrim.