web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-Gjyqtari i Krimeve të Rënda në arrest/ Zbulohet pse u hetua Dhimitër Lara

28 Maj 2019, 13:39, Aktualitet CNA

Gjyqtari i Apelit tek Krimet e Rënda Dhimitër Lara, do të njihet nesër me vendimin e Komisionit të Pavarur të Kualifikimit.

Gjatë seancës dëgjimore të mbajtur të hënën, ai u përball me tre kriteret e vetingut.

Ndaj tij kishte dhe një denoncim nga  dy të akuzuarit si anëtarë të ?Hakmarrjes për Drejtësi?, Orik dhe Laert Shyti, të cilët e akuzonin Larën për shkelje të të drejtave.

Lara, i cili prej 15 vitesh është gjyqtar tek Krimet e Rënda, është rivlerësuar nga trupa gjyqësore e kryesuar nga Pamela Qirko, me relatore Firdes Shuli dhe anëtare Etleda Çiftja.

Në seancën dëgjimore në KPK,  u tha se Lara ka rezultuar i pastër në kriterin pastërtisë së figurës dhe vlerësim pozitiv ka marrë edhe në aspektin profesional.

Në formularin e vetdeklarimit ai e ka thënë që ka qenë i arrestuar më herët, por pa treguar arsyen.

Nuk dihet nëse institucionet që janë marrë me hetimet mbi pastërtinë e figurës, e kanë anashkaluar apo jo këtë fakt.

CNA. al ka siguruar një vërtetim, ku tregohet se përse është arrestuar.

Në moshën 21 vjeçare në kohën e diktaturës kur ai punonte në një ndërmarrje kimike, në Durrës, është akuzuar për sjellje të padenjë në autobuz. Nuk specifikohet se çfarë ka bërë konretisht, por emri i tij ishte raportuar nga kryetari i Degës së Përgjithshme në atë kohë, Pilo Shanto.

“Me 12 .05.1982 u ndalua Dhimitër Aleksandër Lara, vjeç 21 punëtor në ndërmarrjen kimike, banues në Durrës për arsye se në autobuz ka kryer vepra të sjelljes së padenjë në shoqëri”, thuhet në vendimin e siguruar nga CNA.al.

 

 

 

 

 





Lajmet e fundit nga