web counter
LEXO PA REKLAMA!

SHKARKO APP

App Store
Google Play

E fundit!

x

Dialogu Kosovë-Serbi/ Presidenti Meta gropos kryeministrin Rama

28 Maj 2019, 19:40, Aktualitet CNA

Dialogu Kosovë-Serbi është përgjegjësi ekskluzive e udhëheqësve dhe e institucioneve të Kosovës, gjë të cilën ja kam thenë edhe kryeministrit Edi Rama..,- ka qenë thelbi i deklaratës surprizë të  presidentit Ilir Meta, bërë gjatë një bisede në emisionin ?Debat Plus?, të televizionit “Dukagjini” të Kosovës, ku ishte i pranishëm.

Duke dashur të distancohet nga çorba shqiptaro-kosovare e gatuar për shkëmbimin e territoreve, midis Kosovës dhe Serbisë, me deklarimin e tij, Ilir Meta ka zgjedhur ta gropos kryeministrin Rama. I cili, në fakt është akuzuar edhe më parë nga faktorë mediatik e jo vetëm, si i përzierë në akord me presidentin Thaçi për pazarin e shkëmbimit të territoreve si pjesë konstruktive për avancimin e paqes midis dy vëndeve.

“Dialogu Kosovë-Serbi është një përgjegjësi ekskluzive e udhëheqësve të Kosovës dhe e institucioneve të Kosovës. Shqipëria, duke e mbështetur këtë dialog do të pranojë dhe duhet të pranojë çdo zgjidhje për të cilën institucionet e Kosovës do të shprehen në përputhje me Kushtetutën  e Kosovës dhe në përputhje me vullnetin e popullit të Kosovës”,- ka artikuluar Ilir Meta. I cili në përgjigje të pyetjeve “ A e dinë të gjitha institucionet e Shqipërisë këtë që po thoni ju? A e di institucioni i kryeministrit?”- u shpreh:

” Këtë qëndrim i’a kam bërë të qartë edhe kryeministrit tonë, zotit Rama. Ua kam bërë të qartë edhe faktorëve të tjerë. Kam bërë edhe një qëndrim publik. Çdo përfshirje e Shqipërisë apo institucioni të Shqipërisë në temat e dialogut Kosovë-Serbi, do të ishte një ndërhyrje e panevojshme, që mund të mos rezultonte ndihmuese për sa i takon, në radhë të parë demonstrimit të autoritetit dhe legjitimitetit të plotë të institucioneve të Kosovës, dhe, së dyti, mund të krijonte keqkuptime të panevojshme./CNA.al





Lajmet e fundit nga