web counter
LEXO PA REKLAMA!

SHKARKO APP

App Store
Google Play

E fundit!

x

KLP cakton drejtuesit e rinj të prokurorisë

21 Maj 2019, 12:20, Aktualitet CNA

Këshilli i Lartë i Prokurorisë në mbledhjen e sotme ka caktuar drejtuesit e rinj të prokurorisë.

Mësohet se KLP caktoi drejtues të përkohshëm të Prokurorisë Gjirokastër, Julian Çafkën për 3 muaj. Propozimi i Julian Çafkës u miratua me 11 vota pro në mbledhjen e KLP.

Po ashtu, KLP votoi me 11 vota shtyrjen e afatit me 3 muaj, për drejtimin e Prokurorisë së Apelit Korçë nga Irena Çunoti.

Të dy plotësojnë vendet vakante të krijuara pas shkarkimit të paraardhësve të tyre nga vetingu.

Arben Pasho u shkarkua nga KPK më 16 Maj, ndërsa Irma Balli më 19 shkurt.

U miratua me 11 vota pro caktimi i prokurores Rozeta Qirjaqi, prokurore pranë Gjykatës së Apelit Korcë, të ushtroje funksionin e Drejtuesit në Prokurorinë pranë Gjykatës së Apelit Korçë.

Po ashtu, u miratua me 11 vota pro projekt-aktit për shtyrjen e afatit të caktimit të përkohshëm të prokurorit Altin Dumani në funksionin e Drejtuesit në Prokurorinë pranë Gjykatës së Apelit të Krimeve të Rënda, përkatësisht nga dt. 22.05.2019 deri ne 22.08.2019.

Gjithashtu, KLP miratoi me 6 vota pro dhe 5 vota kundër projekt-vendimin për caktimin në detyrë të prokurores Denisa Hasko në Prokurorinë pranë Gjykates së Shkallës së Parë Tiranë.

Deri në datë 15 Maj 2019, prokurorja Hasko ka qënë e komanduar pranë Ministrisë së Drejtësisë dhe do të rikthehet në sistemin e prokurorisë./ CNA.al





Lajmet e fundit nga