web counter
LEXO PA REKLAMA!

SHKARKO APP

App Store
Google Play

Lubonja: Rama po presionon opozitën

20 Maj 2019, 16:10, Aktualitet CNA

Analisti Fatos Lubonja, duke komentuar protestat e opozitës, tha se kryeministri Rama po e presionon këtë të fundit duke pasur me vete ndërkombëtarët.

I ftuar në rubrikën ?Opinion? në ?News 24?, Lubonja theksoi se kjo nuk është demokraci, por një kthim pas i medaljes në regjimin e monoklaturës.

?Rama thotë se i përfaqësoj unë edhe shumicën, edhe opozitën. Mirëpo, kjo maxhorancë nuk përfaqëson dot popullin. Kjo nuk është demokraci, kjo është një kthim pas i medaljes në regjimin e monoklaturës. Në thelb kjo është situata, tani kemi sistemin e monoklaturës të oligarkëve.  Për të zgjidhur krizën, se di, por në horizont nuk duket gjë.

Rama e vazhdon linjën e tij. Vazhdon që të godasë opozitën, duke thënë se shtie me shishe benzine, një gjuhë tepër e ashpër. Me këtë gjuhë ndaj elementëve opozitarë, Rama do ta eliminojë opozitën. Me këtë gjuhë flet. Tani ka me vete edhe ndërkombëtarët dhe do eliminimin e opozitës. Me gjuhën e Ramës s?mund të ketë dialog. Duket qartë se Rama e presionon opozitën për ta eliminuar dhe këtë e bën me ndihmën e ndërkombëtarëve?, tha Lubonja.

Më tej, Lubonja, foli edhe për protestën e të shtunës.

?Protestat janë të domosdoshme, ama jo për të ardhur në pushtet dhe për të bërë njësoj si këta që janë sot në karrige. Opozita përdor logjikën që të vij në pushtet unë dhe të marr ca poste policie, të marr disa institucione. Nëse ka këtë synim, pra pushtetin dhe jo vullnetin për më mirë, atëherë të dyja palët janë e keqja e medaljeve të ndryshme?, përfundoi Lubonja./CNA.al





Lajmet e fundit nga