web counter
LEXO PA REKLAMA!

SHKARKO APP

App Store
Google Play

E fundit!

x

Vula e fermanit 400-vjeçar e humbur që me 7 maj/ Prokuroria nis hetimet

19 Maj 2019, 07:24, Aktualitet CNA

Prokurori e Tiranës ka nisur një hetim në lidhjen me humbjen e vulës së fermanit 400 vjeçar në Arkivin e Shtetit.

Ky ferman daton rreth viteve 1600.

Mësohet se prokuroria ka reaguar pa njoftimit nga Drejtori i Përgjithshëm i Arkivit.

Në materialin e referuar në Prokurorinë e Tiranës, thuhet se në datë 10 maj 2019, pas një njoftimi nga drejtori i Përgjithshëm i Arkivave, për humbjen e vulës së fermanit të Manastirit të Kamenës, oficerët e Policisë kanë shkuar në vendin e ngjarjes.

‘Në ambientet e Drejtorisë së Përgjithshme të Arkivave, konkretisht në Godinën B, ku bëhej edhe skanimi i materialeve të formateve të mëdha, ishte konstatuar mungesa e një vule, e cila ishte pjesë përbërëse e një fermani të Manastirit të Kamenës”, ky është konstatimi i oficerëve të Policisë Gjyqësore të cilët kanë shkuar në vendngjarje.

Vula kishte qenë e lidhur nëpërmjet disa penjve me këtë ferman dhe për herë të fundit është parë që ka qenë në vendin e saj në datën 7 maj 2019, nga të gjithë punonjësit e Sektorit të Evidencës në Drejtorinë e Përgjithshme të Arkivave, shkruan Shqiptarja.com.

(Fermanet jane dekret të kohës së Turqisë-red) Rreth këtij problemi ka reaguar edhe drejtoresha e arkivave Nevila Nika.

?Vula është pjesë e një fermani të veçantë, të Sulltanit në gjuhën greke. Fermani i jep të drejtën e pronave Manastirit të Kamenës. Ndryshe nga vulat e tjera që kanë qenë prej dylli, kjo vulë është në material metalik, prej plumbi?, u shpreh Nika.

 





Lajmet e fundit nga