web counter
LEXO PA REKLAMA!

SHKARKO APP

App Store
Google Play

Ish deputeti ironizon Ramën/ “Sebastian Kurz është Kryeministër, nuk është horr”

18 Maj 2019, 20:31, Aktualitet CNA

Ish deputeti demokrat Gent Strazimiri në një postim në rrjetet sociale ka reaguar pas vendimit të kancelarit austriak për ta çuar vendin në zgjedhje të parakohëshme.

Strazimiri bëri një krahasim me situatën në Shqipëri duke ironizuar kryeministrin Edi Rama.

Sipas Strazimirit, Austria është në demokraci dhe jo narkoshtet që drejtohet nga një bandë mëkatarësh të vjetër dhe të rinj.

Postimi i plotë:

Brenda ditës, Sebastian Kurz dëgjoi zërin e njërëzve të grumbulluar para zyrës së tij dhe mbi të gjitha zërin e NDËRGJEGJES së tij!

Për Sebastian Kurz, thjesht fakti që një politikan është përfshirë në një ambient ku flitet për keqpërdorim të pushtetit, taksave të austriakëve dhe ligjeve të shtetit: Mjaft është Mjaft!

Sebastian Kurz thotë edhe se mundej të nderronte thjesht “kokat në kabinet” , por kjo nuk do të ishte në të mirë të vendit!

Sebastian Kurz thotë se në pushtet nuk ka ardhur për karrigen, por për të zhvilluar edhe më shumë vendin e tij te mrekullueshëm, dhe se kjo është e pamundur kur ekziston qoftë edhe një hije e vogël dyshimi mbi seriozitetin e këtij misioni!

Sebastian Kurz, kërkoi zgjedhje të parakohëshme, sa më shpejt të jetë e mundur!

Sebastian Kurz nuk tha “me të tilla protesta unë rri në pushtet edhe 100 vjet”, por dha dorëheqjen!

Sebastian Kurz nuk urdhëroi policinë të shpërndajë me gaz lotsjellës popullin.

Sebastian Kurz njoftoi popullin e tij se në pak orë do merrte vendimin e duhur!

Sebastian Kurz është Kryeministër, nuk është horr!

Sebastian Kurz është patriot, jo plaçkitës i Atdheut!

Austria është DEMOKRACI, jo narko-shtet që drejtohet nga një bandë mëkatarësh të vjetër e të rinj!!!!/CNA.al





Lajmet e fundit nga