web counter
LEXO PA REKLAMA!

SHKARKO APP

App Store
Google Play

Tërhiqet Rama/ Dorëzon Vangjush Dakon në Prokurori

18 Maj 2019, 18:51, Aktualitet CNA

Kryeministri Edi Rama deri sot paradite, I ka quajtur përgjimet e dosjes 399 përgojime. Që në kohën kur kanë dalë në dritë përgjigmet e dosjes 339, Rama nuk ka lënë epitet pa u vënë.

Për kryeministrin përgjimet që Opozita pretendon se janë prova për vjedhjen e votave në zgjedhjet e 2017, s?janë gjë tjetër veçse sallatë fjalësh.

Në vijimësi ai ka lënë të kuptohet se Vangjush Dako është i paprekshëm, ndërsa ka sulmuar Prokurorinë se ka zvarritur hetimet.

Në fakt dosja 339 dhe jo vetëm, u bënë indicie që Opozita të braktisë Kuvendin dhe të dalë në rrugë.

Për të dalë nga kjo situatë pak ditë më parë Prokurorja e Përgjithshme e përkohshme Arta Marku tha se dosja është bllokuar nga prokurori që e ka pasur dhe gjithcka është mësuar vetëm pas transferimit të tij.

Të njëjtin gjë përsëriti edhe Rama, para dy ditësh në emisionin Opinion.

? Nuk ka përgjime të certifikuara nga askush. Ka përgjime të dala, por ka edhe një hetim për nxjerrje të sekretit hetimor. Kanë dalë në shkelje të sekretit hetimor. Kjo dosje është mbajtur e mbyllur për një kohë të gjatë. Nuk është bërë asnjë hetim nga prokurori i çështjes. A mundet dot një vend, një hapësirë e tërë politike të pushtohet nga këto sallatë fjalësh. Nuk mundet dot kurrë një opozitë t?i thotë qeverisë duhet të ikësh se unë kam lexuar disa përgjime?, u shpreh Rama në Opinion.

Por Opozita sërish ka vijuar t?u qëndrojë deklaratave të mërhershme, sipas të cilave Rama mban peng dosjen 339, pasi nuk do të çojë Dakon në burg.

Por, në kohë rekord duket se hetimet janë zhbllokuar dhe Vangjush Dakoa, është thirrur në Prokurorinë për Krime të Rënda, ku është marrë pesë orë në pyetje.

Në fakt më shumë se reagim i Prokurorisë, duket një tërheqje apo zbutje e Ramës, përballë kërkesave të Opozitës.

Po të ishte për Prokurorinë përgjigmet aty i ka pasur dhe mund ta kishte thirrur më herët, dhe jo në këto momente./CNA.al





Lajmet e fundit nga