web counter
LEXO PA REKLAMA!

SHKARKO APP

App Store
Google Play

E fundit!

x

Pesë orë e tek Krimet e Rënda/ Zbulohet se për çfarë u pyet Dako

19 Maj 2019, 06:56, Aktualitet CNA

Kreu i Bashkisë së Durrësit, është marrë dje në pyetje nga Prokuroria për Krime të Renda rreth pesë orë.

Dy prokurorët e Krimeve të Rënda, Vladimir Mara dhe Dritan Prençi, që kanë në duar dosjen 339, kanë pyetur Dakon, në lidhje me kontaktet, me të cilët ai ka dalë në përgjime.

Më herët Dako e ka mohuar të jetë përfshirë në shitblerjen e votës, ndërsa në përgjime, ai dëgjohet duke biseduar me pikërisht për këtë gjë.

Burime të gazetës “Panorama” kanë thënë se pas përfundimit të transkriptimit të disa prej përgjimeve, tashmë hetimet për këtë dosje kanë kaluar në një fazë tjetër dhe janë marrë shpjegime nga personat që kanë rezultuar në përgjime.

Ditën e djeshme, mësohet se Dako është pyetur për rastet kur ai rezulton të kontaktojë me anëtarë të grupit Avdylaj dhe njohjen me ta.

Hetimi për këtë dosje ka nisur që në vitin 2016, nga ish kreu i Prokurorisë së Krimeve të Rënda Besim Hajdarmataj,  ndërsa janë vënë në përgjim disa grupe që dyshohet se trafikonin lëndë narkotike, ndërkohë në përgjime kanë dalë edhe zyrtarë të lartë.

Kujtojmë se në kuadër të hetimeve për këtë dosje u arrestuan dhe janë nën hetim dy ish-deputetë të Partisë Socialiste, Arben Çuko dhe Arben Ndoka.

Dosja 339 është përdorur nga Opozita për të akuzuar Qeverinë dhe Kuvendin. Madje sipas tyre kryeministri Edi Rama po mbron Vangjush Dakon nga arrestimi.





Lajmet e fundit nga