web counter
LEXO PA REKLAMA!

SHKARKO APP

App Store
Google Play

E fundit!

x

Basha takim me zyrtarët e Parlamentit Britanik / Vendi në krizë të thellë

17 Maj 2019, 15:51, Aktualitet CNA

Kryetari i Partisë Demokratike, Lulzim Basha ka zhvilluar sot një vizitë në Londër, ku u takua me Kryetarin e Komisionit për Punët e Jashtme në Parlamentin Britanik, Tom Tugendhat.

Në takim u diskutua kriza politike në vend dhe situata në tërësi në gadishullin e Ballkanit.

Sipas njoftimit nga selia blu,  lideri i opozitës konfirmoi angazhimin e Partisë Demokratike dhe të gjithë opozitës së bashkuar për një zgjidhje politike të krizës, që do të garantojë zgjedhje te lira dhe të ndershme duke ndarë politikën nga krimi.

Lideri i opozitës theksoi rolin e rëndësishëm të  Britanisë së Madhe, në bashkëpunim me partnerët e tjerë strategjikë, Shtetet e Bashkuara të Amerikës dhe Bashkimin Europian, në mbrojtje të demokracisë dhe shtetit të së drejtës.

Gjithashtu, Basha e falenderoi  Tugenthat për qëndrimin e qartë dhe të prerë të Britanisë së Madhe dhe Parlamentit Britanik kundër ndryshimit të kufijve dhe copëtimit të Kosovës, çka do të ishte një precedent i rrezikshëm kundër paqes dhe stabilitetit në Ballkan.

Gjatë takimit u diskutua mbi prioritetet e bashkëpunimit të ardhshmem midis Shqipërisë dhe qeverisë britanike në fushat e bashkëpunimit strategjik të sigurisë kombëtare, rajonale dhe ndërkombëtare./CNA.al





Lajmet e fundit nga