web counter
LEXO PA REKLAMA!

SHKARKO APP

App Store
Google Play

Balluku e konfirmon/ Autostrada Tiranë-Durrës me pagesë

16 Maj 2019, 10:15, Aktualitet CNA

Ministrja e Energjisë dhe Infrastrukturës, Belinda Balluku, ka folur sot në një konferencë për mediat. Ndër të tjera Balluku foli edhe për dhënien me koncension të autostradës Tiranë-Durrës.

Balluku tha se rruga nuk do të bëhet që tani me pagesë, por pritet të hapet një garë në vjeshtë nga e cila do të dali fituesi, për të sjellë një rrugë me parametra ndërkombëtare.

Para se të vendoset të bëhet me pagesë autostrada Tiranë-Durrës, do të zgjerohet rruga e vjetër Tiranë-Plepa e cila do të funksionojë si rrugë alternative.

Ministrja tha se do të ketë përshkallëzim lidhur me pagesën, por ende është e largët koha që do të futet në fuqi pagesa. Balluku njoftoi gjithashtu krijimin e bursës shqiptare të energjisë që sipas saj do të garantojë siguri për furnizimin, transparencë dhe zhvillim.

“Nuk bëhet thjeshtë për zgjerim, por përmirësim të të gjitha kushteve. Ka pasur një propozim që po shikohet për t’u vlerësuar dhe nuk ka një propozim për pagesën. Është e parëndësishme për momentin sa do të paguhet, pasi kjo do të ndodhë pas realizimit të projektit, përfundimit të garës, pas realizimit të projektit, një afat i largët. Janë dyl të ketë një pagesë të përshkallëzuar, jo cdo dalje të paguhet me një tarifë, nëse dikush do të dalë në Rinas apo…pra në varësi të rrugës që do të përshkruajë cdo automjet. Pra tjetër pagesë kur del në Rinas, tjetër kur del në zonat periferike në Durrës apo në port. Dhe e dyta, kush do që të jetë fituesi detyra e parë që do të ketë është përmirësimi i rrugës së vjetër Tiranë-Plepa pa pagesë. Më parë do të vendoset në dispozicion rruga, që Shqipëria do të përfitojë me parametra të rrugës nacionale, jo sikur është sot. Fillimisht do të bëhet nga i njëjti investitor me kostot e tij për të filluar më pas punimet në autostradë.” ka thënë Balluku për mediat.





Lajmet e fundit nga