web counter
LEXO PA REKLAMA!

SHKARKO APP

App Store
Google Play

Ahmetaj ngre alarmin/ Shqipëria drejt “shuarjes”

16 Maj 2019, 09:42, Aktualitet CNA

Ish- ministri i Ekonomisë, Arben Ahmetaj, i cili është aktualisht kreu i Komisionit të Ekonomisë, ka folur sot në seancë plenare lidhur me statistikat që ka publikuar INSTAT mbi uljen e lindjeve dhe shtimin e popullsisë, që sipas tij, rrezikon që pas 30 vitesh popullsia shqiptare të arrij në 1,8 milion , pra rreth gjysma e popullsisë që kemi sot.

“Përpara se të përmend disa statistika të cilat janë domethënëse do doja t’i kërkoja Drejtoreshës së Statistuikave që të ketë një komunikim më të gjerë me publikun që ato të bëhen më të kuptueshme edhe për njerëzit e thjeshtë. Dua ta ilustroj me një shembull. Ju ju referuat numrit total të popullsisë dhe shtesës vjetore ecila nuk ëshë më në rrezik nga varfëria por nga lindshmëria.

Besoj se nëpërmjet kësaj statistike politika duhet të vëjë alarmin, sepse në 30 vitet e erdhshme Shqipëria rezikon për shkak të shtimit të popullsisë të shkoj në 1,8 milion banor.

Kjo do të thotë shumë më pak të rinjë për të punuar, më pak kontribute, rrezik real për pensionistët dhe një rrezik për ekzistencën e kombit, zhvillimin ekonomik dhe për atë që nesër do të ndërtojmë për të ardhmen e kombit. Kjo duhet të kthehet në në çështje në tavolinën e politikbërësve.” ka thënë Ahmetaj në Kuvend./CNA.al





Lajmet e fundit nga