web counter
LEXO PA REKLAMA!

SHKARKO APP

App Store
Google Play

E fundit!

x

"Shqipëria në dorë të gangsterëve"/ LSI kërkon dorëheqjen e Ramës

15 Maj 2019, 12:00, Aktualitet CNA

Nënkryetar i LSI, Luan Rama, ka dalë sot në një konferencë për mediat ku ka reaguar lidhur me shkrimin e publikuar në gazetën gjermane ?Bild? ku Shqipëria konsiderohet si vend kaotik në duart e gangsterëve.

?Bild? konsiderohet si një nga gazetat më të mëdha dhe më të shitura në Gjermani.

Luan Rama ka akuzuar qeverinë  për këtë imazh të keq që ka vendi ynë. Sipas Ramës, zgjidhja e vetme është që Edi Rama të jap dorëheqjen dhe të mund të hap rrugë për zgjedhje të lira e të ndershme?.

“Kjo është arsyeja se përse imazhi i Shqipërisë në botë vjen gjithnjë e duke u rrënuar. Shkaku është qeveria e gangsterëve, me kryegangsterin kryeministrin e këtij vendi.

Në papërgjegjmëri të plotë, kur duhet që më shumë se cilido tjetër dhe më shumë se kushdo të reflektojë me përgjegjshmëri për të vënë interesat e vendit mbi ato të klanit kriminal, për të vënë të ardhmen europiane të Shqipërisë mbi të ardhmen e vet dhe të klanit të vet mafioz, të reflektonte duke dhënë dorëheqjen për t?i çelur rrugë zgjidhjes së krizës politike, ai vazhdon me kryeneçësi duke përligjur ato që thotë ?Bild-i?. Por jo vetëm ?Bild-i?, këtë e thonë të gjitha agjencitë, këtë e thonë gazetat dhe mediat më prestigjioze e më të mëdha të Europës.

Prandaj qytetarët dhe jo vetëm opozita, por qytetarët e këtij vendi dhe opozita e bërë njësh me ta është në protestë, është në revoltë, është në kontest. Është dhe do të jetë në luftë të vendosur për ta larguar njëherë e përgjithmonë të keqen nga qeverisja e këtij vendi, për të realizuar më në fund rikthimin e vendit në normalitet përmes një procesi zgjedhor të lirë, të ndershëm, të barabartë, ku qytetarët shqiptarë të jenë të lirë dhe sovranë në të drejtën e tyre për të zgjedhur. Shqipëria nuk e meriton të jetë në duar gangsterësh!”, ka thën Luan Rama në fjalën e tij./CNA.al





Lajmet e fundit nga