E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Rritja e notës mesatare për pranimet në universitet/ Tabaku akuza ministres së Arsimit

13 Maj 2019, 08:59, Aktualitet CNA

Ish-nënkryetarja e Komisionit të Ekonomisë, Jorida Tabaku ka reaguar lidhur me vendimin e qeverisë për të rritur notën mesatare për pranimet në universitet.

Në një postim në rrjetet sociale, Tabaku shkruan se rritja e notës mesatare ka sjellë konfuzion te maturantët, dy javë para provimeve.

?Ministrja e Arsimit me paaftësinë që ka karakterizuar edhe paraardhësen e saj vazhdon të prodhojë gafa me të njëjtin standard si shërbimet ndaj kryeministrit. Dy javë përpara se të nisë sezoni i provimeve të maturës, ministrja nxjerr një VKM në lidhje me notën mesatare. Duke ndryshuar thuajse totalisht skemën e futjes në Universitet pak javë përpara se të nisin provimet. Sakaq maturantët pas këtij urdhri janë të pasigurte, të frikësuar dhe të konfonduar nga ajo çfarë kanë lexuar pak ditë përpara provimit.? -shkruan Tabaku.

Gjithashtu ajo thekson se në 6 vite nuk ka asnjë udhëzim apo VKM në shërbim të arsimit nga ana e qeverisë dhe Ministrisë së Arsimit.

?Si një feud personal dhe i mbushur me paaftësi, pasi prodhoi ligjin klientelist që zbrazi studentët në shesh, pasi gënjeu studentët për gjoja bashkëbisedimin vazhdon të shkatërrojë edhe ato pak arritje të arsimit publik. Sot universitetet publike rrezikojnë falimentimin dhe dështimin, ndërkohë që qeveria ka synimin për ta rrëmbyer dhe pavarësinë e Arsimit Publik duke emëruar kukulla të vjetra apo të reja me urdhër të Ministres së Paditur të Arsimit.?-deklaron Tabaku.

Më tej, ish-deputetja demokrate shkruan se ?Me këtë gjendje të mjerueshme të arsimit dhe drejtueses së arsimit në vend, nuk është habi që 50% e të rinjve duan të largohen nga vendi. Një në tre të rinj sot është i papunë dhe i dëshpëruar dhe nuk pret të gjejë një punë në Shqipëri, gjithnjë e më pak janë të rinjtë që duan të frekuentojnë fakultetet. Në gjithë këtë zallamahi, ministrja dhe shefi i saj vazhdojnë të prodhojnë urdhra si e si për të rënduar gjendjen e arsimit publik duke vrarë shpresën për arsim dinjitoz dhe për shkollim dinjitoz.?./ CNA.al