web counter
LEXO PA REKLAMA!

SHKARKO APP

App Store
Google Play

E fundit!

x

Opozita proteston sërish sot para Kryeministrisë/ Çfarë pritet të ndodhë

13 Maj 2019, 07:30, Aktualitet CNA

Dy ditë më parë, opozita zhvilloi protestën e radhës kombëtare para Kryeministrisë, e cila u shoqërua me tensione të forta dhe akte dhune, ndërsa rreth 50 persona u shoqëruan në polici, përfshirë edhe Sekretarin Organizativ të PD-së, Sait Dollapi.

Ndërsa në total janë 84 persona të proceduar, mes të cilëve ish-deputetët Gent Strazimiri, Flamur Noka dhe sekretari i Përgjithshëm i Partisë Demokratike Gazmend Bardhi.

Protesta zgjati për rreth shtatë orë. Protestuesit hodhën në mënyrë të përsëritur bomba molotov dhe flakadanë në drejtim të policisë, ndërsa kjo e fundit i është kundërpërgjigjur me gaz lotsjellës.

Nga aktet e dhunës u lënduan 14 efektivë policie, 4 protestues mes tyre sekretari organizativ i PD-së, Sahit Dollapi për të cilin PD-ja protestoi para drejtorisë së policisë duke kërkuar lirimin e tij dhe një operator.

Aktet e dhunës në protestë u dënuan nga të gjithë faktorët ndërkombëtarë.

Por, sot opozita ka paralajmëruar mbajtjen e një tjetër proteste kombëtare, në orën 18:30, para Kryeministrisë.

Ashtu sikurse ka ndodhur edhe në protestat e tjera kombëtare që ka zhvilluar opozita prej 16 shkurtit, sërish Lulzim Basha ka paralajmëruar se ky do të jetë ?akti final?, për rrëzimin sipas tij të kryeministrit Rama.

Por, nga ana tjetër një ditë pas protestës së ka pasur një reagim mjaft të fortë edhe nga ish-kryeministri Sali Berisha, i cili protestën e 11 majit e cilësoi si një ?cunam të jashtëzakonshëm të fuqisë së popullit, që plagosi për vdekje kryehorrin e vendit dhe narko-horrat e tij.?

Ndërkohë, sot pritet që sërish të ketë përplasje të forta megjithëse ka një përpjekje të fortë të ndërkombëtarëve për të qetësuar situatën./ CNA.al





Lajmet e fundit nga