Rama nxjerr "zbuluar" Bashën/ "Luftë e ulët për të bërë pazar"

12 Maj 2019, 12:41, Aktualitet CNA

Kryeministri, Edi Rama ka folur sot në një takim me gazetarët në kryeministri lidhur me protestën e opozitës së bashkaur.

Rama i përmendi ndër të tjera kreut të PD-së, Lulzim Basha, pazaret dhe ujditë duke i thënë se ” Unë këtu jam, hajde flasim. Nuk kam asnjë problem. Nëse kjo s?është një luftë e ulët për të bërë një pazar (të cilën unë e besoj) atëherë jemi në rregull, për çdo shqëtësim të ulemi të flasim.”

“Paraardhësi ua ka thënë se i vetmi pishman që kam është se nuk i kam dhënë një plumb në ballë ditën e 21 janarit,” tha Rama duke iu drejtuar ish-kryeministrit Sali Berisha.

Më tej Rama shtoi “Mendoni të isha unë në atë tribunë dhe flakët të vinin tek kjo dritare, do isha unë sot duke folur, do isha unë diku në globin tokësor duke marrë frymë, apo do isha në botën tjetër? Përgjigjja është e saktë. E ka thënë. i vetmi pishman që kam është që nuk i dhashë një plumb ballit në 21 janar. Jo vetëm që nuk bën asnjë reflektim që nën qeverisjen e tij dhe me të në këtë zyrë nga dritaret e kësaj zyre ka vrarë njerëz, ka këtë pishman”.

“Ndoshta tingëllon si predikim në hava, një fjalë kam për mikun tim vulëhumbur, Lulzim Basha. Një mesazh kam për mikun tim rrugëhumbur, Lulzim Basha, kujtoje mesazhin që të kam çuar kur i ke hyrë kësaj rruge, shumë kohë më parë, po ta përsëris prapë, nuk je vonë akoma të kthehesh nga kjo rrugë, për një arsye të thjeshtë, me shumë të drejtë. më herët se vonë. Llogarinë ata që të ndjekin do ta kërkojnë ty, se nuk ka lider në botë, po ti s’je lider, që ta tërheqë partinë e vet, nga stacioni i një alternative qeverisëse, tek ky stacion ku të dëgjoja me zë të ngjitur të thoshe aman ik, aman ik. Patjetër që unë jam këtu gjithmonë i gatshëm për dialog, për tu ulur për të diskutuar. Ata që janë me ty thonë që nuk duan as pushtet as karrige por thjesht të mirën e popullit, ulemi flasim dhe e marr unë përsipër t’i kthejmë në nisma ligjore në veprim shqetësimet që ata kanë si popull për të përmirësuar jetën e vendit. Nëse kjo nuk është luftë e ulët për të bërë pazar, unë e besoj se besoj gjithmonë çdo gjë që thotë Luli, jemi në rregull, çdo shqetësim të ulemi e flasim, ta diskutojmë dhe të vendosim. Përndryshe, më herët se vonë turpi do t’i ndjekë pas gjithë kohës ata të cilët kanë ende mundësi të kenë turp. Kur të heqin vizën partnerët më të mëdhenj të këtij vendi e ke humbur mundësinë të kesh turp dhe je gati t’i heqësh vizën gjithë Shqipërisë vetëm për të ndjerë kunjin e barbarit që nuk bëhet kurrë qytetarë”, tha Rama.

Unë këtu jam, hajde flasim. Nuk kam asnjë problem. Nëse kjo s?është një luftë e ulët për të bërë një pazar (të cilën unë e besoj) atëherë jemi në rregull, për çdo shqëtësim të ulemi të flasim.”, tha Rama gjatë fjalës së tij./CNA.al