Vrasje të vogla/ Rëza arrestohet, Serhan i shpreh dashurinë Ojas, ja ç’do ndodhë sot

10 Maj 2019, 07:41, Lifestyle CNA

Burxhu i kërkon llogari Mehmetit dhe dyshon se ai e tradhëton. Mehmet i tregon se ndodhej në shtëpinë e Arzus për të kaluar kohë me fëmijët. Burxhu lehtësohet dhe i thotë se për të nuk është problem. Mehmet i thotë se është i detyruar të shkojë shpesh në shtëpinë e Arzus. Arzu mëson se Nilaj i ka telefonuar Mehmetit dhe i ka treguar se Enver ndodhej në shtëpinë e tyre. Arzu i shpjegon Nilajit se mes saj dhe Mehmetit ka marrë fund. Oja shkon në shkollën e djalit të Edipit dhe e pyet në cilin shtet do shkojnë. Ai i tregon që do ndryshojnë emrat dhe i jep një të dhënë. Oja i tregon prokurorit se ata do shkojnë në Gjermani. Rëza bën plan që së bashku me Merven dhe Milën të shkojnë në Tajlandë. Në mëngjes Rëzain e arrestojnë karabinierët. Rëza habitet kur kupton se këtë ja bëri Merve. Serhan përballet me Rëzain në gjykatë. Rëza dhe Galip dënohen me burg ndërsa Serhan shpallet i pafajshëm. Oja shkon në gjykatë dhe Serhan gëzohet kur e sheh.

Ata nuk arrijnë të takohen pasi Mila e thërret dhe përqafon të atin. Serhan bashkohet me Merven ndërsa Oja i sheh nga larg. Oja largohet e dëshpëruar. Ajo shkon në shtëpi por habitet kur sheh Serhanin para derës. Serhan e falenderon Ojan dhe e pyet çfarë do ndodhë me ata të dy. Oja i shmanget bisedës dhe shkon të përgatisë kafe. Serhan i shpreh dashurinë Ojas dhe i thotë se kjo është hera e parë që dashuron vërtet. Oja mbetet pa fjalë. Serhan e lë të mendohet për një përgjigje. Merve mëson se Serhan i ka humbur klientët dhe Arzu ka hapur kompani. Serhan vendos të largohet nga shtëpia. Merve takohet me Arzun dhe i thotë se Serhan do i marrë sërish klientët. Arzu e sfidon. Edip bëhet pronar i kafenesë së rezidencës për të qëndruar më pranë Ojas. Oja i tregon Edipit se është shumë e lumtur pasi Serhan i shprehu dashurinë. Merve arrin t?i kthejë sërish mikeshat e saj. Merve i fton mikeshat në festën që do mbajë për rikthimin e Serhanit por ato nuk pranojnë pasi bashkëshortët e tyre i mbajnë ende inat Serhanit. Merve i tregon mikeshave se në festë do të jetë edhe një zonjë e rëndësishme znj.Tomris. Ato vendosin të shkojnë në festë.