E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

Mentor Kikia bën deklaratën e fortë/ Kuvendi strehon trafikantë, vrasës e biznesmenë të korruptuar

9 Maj 2019, 11:50, Aktualitet CNA

Gazetari Mentor Kikia ka publikuar sot disa foto të deputetëve të Kuvendit të Shqipërisë, të cilat sipas tij janë dëshmi e nivelit më të ulët që ka patur ndonjëherë përfaqësimi i popullit.

Në një postim në rrjetet sociale, Kikia thekson se ?Sot ajo godinë ka strehuar e strehon deputetë trafikantë, që kanë shitur e shfrytëzuar vajza për prostitucion. Deputetë që kanë vrarë njerëz. Biznesmenë të pasur e të korruptuar, pa asnjë lidhje me politikën, e pa qenë në gjendje të shkruajnë e lexojnë edhe një faqe fjalim. Vajza injorante baballarësh të pasur, dashnore e gra burrash të pasur që kanë blerë vendin në listat e kandidatëve. Kllounë e karagjozë, pa pikën e integritetit, që e kanë shndërruar parlamentin në një teatër mediokër.?

Gjithashtu ai thekson se të gjithë kemi kontribuar për këtë gjendje, Ku me heshtje e ku me duartrokitje, ku me votë e ku me bojkot.

Postimi i plotë:

Ti ruajmë këto foto, do ti duhen historisë

Nuk kam shumë besim, që ata që do të vijnë pas nesh në këtë tokë, do të ndërtojnë një shoqëri më të mirë nga kjo e jona. Pasi, përveç atij pak modernizimi që ka ardhur si pasojë e globalizimit të jetës, në aspekte të tjera jemi pothuaj aty ku ishim 100 vjet më parë.

Madje në disa drejtime jemi edhe më keq. Por gjithësesi, jam i bindur se kur të shkruajnë historinë, më zi nuk do të gjejnë nga sa jemi ne sot.

Ndaj do të duhet të ruhen këto foto, si dëshmi e nivelit më të ulët që ka patur ndonjëherë përfaqësimi i popullit. Më keq nga koha kur parlamentin e përbënin pronarët e tokave që u pasuruan duke bërë shërbëtorin e Turqisë. Më keq edhe nga koha kur parlamentin e përbënin ata që për ligj e kushtetutë njihnin vetëm fjalën e Partisë.
Sot ajo godinë ka strehuar e strehon deputetë trafikantë, që kanë shitur e shfrytëzuar vajza për prostitucion. Deputetë që kanë vrarë njerëz. Biznesmenë të pasur e të korruptuar, pa asnjë lidhje me politikën, e pa qenë në gjendje të shkruajnë e lexojnë edhe një faqe fjalim. Vajza injorante baballarësh të pasur, dashnore e gra burrash të pasur që kanë blerë vendin në listat e kandidatëve. Kllounë e karagjozë, pa pikën e integritetit, që e kanë shndërruar parlamentin në një teatër mediokër.
Të gjithë kemi kontribuar për këtë gjendje. Ku me heshtje e ku me duartrokitje, ku me votë e ku me bojkot. Ndërsa tani s?na mbetet veçse të qeshim, të qeshim e të qajmë për batakun ku kemi rënë./ CNA.al