web counter
LEXO PA REKLAMA!

SHKARKO APP

App Store
Google Play

Opozita përshkallëzon protestën/ Sot bllokohen rrugët në 12 qarqe

2 Maj 2019, 07:37, Aktualitet CNA

Në vijim të aksionit opozitar dhe vendimit për të përshkallëzuar protestat kundër qeverisë, kreu i Partisë Demokratike, Lulzim Basha një ditë më parë bëri të ditur se sot do të bllokohen rrugët në 12 qarqe të vendit, ku qarkullimi do të paralizohet 2 orë.

Pas një takimi që zhvilloi me kryetaren e LSI-së, Monika Kryemadhi, në një prononcim për mediat, Basha tha se bllokimi i rrugëve do të nisë në orën 18:00.

Nga ana tjetër opozita përveç bllokimit të rrugëve në 12 qarqe të vendit, që është njoftuar në nisë në orën 18:00, paradite ka lajmëruar një tjetër aktivitet.

Në orën 11:00 PD do të bëjë prezantimin e detyrave të qeverisë tranzitore, që sipas kësaj force politike synon nxjerrjen e vendit nga kriza.

?Në orën 18:00 do të nisë aksioni në 12 qarqet e vendit për bllokimin e akseve kryesore si një intensifikim, si një përshkallëzim i mosbindjes civile. Paradite në orën 11:00 do të shpalosim bashkë me koalicionin tonë opozitar detyrat e qeverisë tranzitore për të garantuar zgjedhje të lira dhe të ndershme. Largimi i Edi Ramës është kusht i panegociueshëm për të hapur rrugën e dialogut politik që do të çojë drejt qeverisë tranzitore. ?- tha Lulzim Basha.

Në protestën e zhvilluar një javë më parë opozita bllokoi pesë akse kryesore, ndërsa ditën e nesërme revolta e opozitës do të jetë më e zgjeruar.

Mësohet se gjatë protestës do të bllokohen akset e mëposhtme:

Tiranë: Te sheshi ?Shqiponja?

Korçë: Në hyrje të qytetit

Elbasan: Në aksin Bradashesh-Elbasan

Milot: Rrethrrotullimi i Milotit

Shkodër: Në hyrje të qytetit

Fier: Tek Ura e Sheqit

Vlorë: Në hyrje të qytetit

Dibër: Në aksin nacional Tiranë-Peshkopi

Kukës: Tek ura në hyrje të qytetit

Durrës: Rrethrrotullimi te Plepat./CNA.al





Lajmet e fundit nga