web counter
LEXO PA REKLAMA!

SHKARKO APP

E fundit!

x

“Toyota Yaris”, me 3.4 milionë euro/ Mbërrijnë letërporositë nga autoritetet Belge

1 Maj 2019, 13:18, Aktualitet CNA

Letërporositë e autoriteteve belge, në lidhje me makinat ?Toyota Yaris?, në njërën prej të cilave u sekuestruan edhe 3.4 milionë euro, konfirmojnë se mjetet u ishin shitur dy kushërinjve, Alfred e Elvis Vladit.

Në letërporositë e mbërritura në Prokurorinë e Krimeve të Rënda, belgët kanë konfirmuar se makinat Toyota Yaris u janë shitur kushërinjve Vladi konform të gjitha procedurave, vlera e të cilave shkonte nga 1 deri në 2 mijë euro.

Sipas Vizion Plus, personi që ka shitur pikërisht mjetin ku u gjet shuma e parave, mohon të ketë dijeni për to, duke deklaruar se nuk ka lidhje me personat që mund të kenë futur eurot brenda mjetit.

Në letërporositë e mbërritura nga Belgjika e Gjermania thuhet se kushërinjtë Vladi nuk etiketohen si persona të përfshirë në veprimtari kriminale në vendet e tyre, ndërsa përgjigja për ta pritet edhe nga Britania e Madhe.

Alfred Vladi dhe kushëriri i tij Elvis Vladi vijojnë të jenë në kërkim nga policia.





Lajmet e fundit nga