web counter
LEXO PA REKLAMA!

SHKARKO APP

App Store
Google Play

Vrasja e ish-efektivit në Selitë/ Ndalohet një i dyshuar

1 Maj 2019, 11:15, Aktualitet CNA

Tre muaj pas vrasjes së bujshme në Selitë ku mbeti i vrarë ish-efektivi i policisë Arben Bilali, Policia e Tiranës ka ndaluar një të dyshuar.

I ndaluari mësohet se është 47-vjeçari me iniciale A. Xh., i cili figuron me precedentë të mëparshëm penal në fushën e vjedhjes së makinave.

Sipas Policisë ai dyshohet se i ka siguruar mjetin ?Benz? autorëve të vrasjes i cili u gjet vetëm pak minuta më vonë i braktisur në Mjull Bathore, çka do të thotë se është takuar dhe i ka parë autorët.

Biliali u ekzekutua me 30 janar të këtij viti pranë shtëpisë së tij me 10 plumba ndërsa familja e tij ishte në konflikt dhe e ngujuar. Ai po kthehej në shtëpi me një makinë tip ?Golf 4?, ku po udhëtonte si pasagjer, ndërsa makina e tij është vënë në ndjekje nga 2 atentatorët që udhëtonin me një ?Benz? të zi.

Kamerat e sigurisë tregojnë se ai u ndoq për rreth 9 kilometra që prej kryqëzimit të ?Vasil Shantos? deri në rrugën ?Daniel Ndreka? ku kishte shtëpinë.

50-vjeçari është djali i tretë i familjes Bilali që është vrarë për shkak të një përplasjeje me një grup të njohur në zone, ndërsa policia po heton në disa pista për vrasjen e 50-vjeçarit, ku nuk përjashtohet ajo e hakmarrjes. /CNA.al





Lajmet e fundit nga