E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Kryebashkiaku më mashtrues/ Fakte që rrëzojnë Veliajn

1 Maj 2019, 09:48, Aktualitet CNA

Erion Veliaj ka nisur fushatën zgjedhore, duke kërkuar dhe një mandat të dytë për të udhëhequr Bashkinë e Tiranës.

Deri tek pjesa e kandidimit, nuk ka ndonjë gjë të keqe, pasi çdo njëri ka të drejtë të shpreh vullnetin për të garuar në zgjedhje.

Por, kur vjen puna tek kandidatura e Veliajt, skandale të shumta dalin në ditë.

“Më gënjeve një herë është faji yt, por nëse më gënjen për së dyti, atëherë është faji im”, thotë një shprehje popullore.

Veliaj, jo vetëm që ka gënjyer dhe mashtruar, por dyshohet se është përfshirë edhe në ngjarje kriminale, siç është rasti i Ardit Gjoklajt.

Qytetarët tiranas, e kujtojnë mirë premtimin e tij, kur kandidoi para katër vitesh, në lidhje me ndërtimet.

Në fushatën për zgjedhjet lokale në vitin 2015 Veliaj shprehej se nëse zgjidhej kryebashkiak s’do të jepej asnjë leje ndërtimi.

“S’ kam në mend të hyj në histori që dha pallate por si një njeri që punoj që ta kthej qytetarin në normalitet dhe dua të mbahem mend si një njeri që ndërtoi më shumë parqe se sa pallate”, deklaronte Veliaj lagje më lagje në vitin 2015.

Por, sot të gjithë e shohin Tiranën si është katandisur. Sot, mashtrimi i Veliajt vjen me prova konkrete.

“Nuk kam në mend të hyj në histori si njeri që dha pallate. Garancia është se Tirana ka sot 98 mijë apartamente të pashitura. Kjo do të thotë se përsa kohë që ka këtu apartamente që rrinë bosh nuk ka më sens që të vazhdojmë të japim leje ndërtimi. Së dyti Tirana është sot shumë më e madhe. Ka shumë njerëz që me pak inkurajim, mund të shkojnë dhe të jetojnë në fshat, në periferi, sepse kjo tahmaja që tek pallati për lapriço do të bëjmë dhe një pallat tjetër, bie. Me moratorium kuptojmë ndalimin e ndërtimit në Tiranë. Gjatë këtij mandati nëse nuk ndodh ndonjë rimëkëmbmje tregu imobiliare dhe shitjen e apartamenteve. Tirana e sotme është e mbindërtuar. Është bërë një propozim që mandatin e parë ne të respektojmë këtë moratorium, nëse do kemi ndryshim të situatës atëherë do të inkurajojmë ndërtime, sa më larg Tiranës”, deklaronte Veliaj në emisionin Opinion në vitin 2015.

Por pasi mori mandatin vërshuan lejet e ndërtimin në katër anët e Tiranës.

Sipas të dhënave të INSTAT, ai rezulton kryebashkiaku që ka dhënë më shumë leje ndërtimi në Shqipëri.

Më poshtë po rendisim faktet që nxjerrin zbuluar mashtrimin e Veliajt.

Faktet që rrëzojnë mashtruesin Veliaj

CNA.al ka bërë një vëzhgim në raportet e INSTAT në lidhje me dhëniet e lejeve të ndërtimit, në Tiranë dhe në të gjithë Shqipërinë.

Shifrat tregojnë se Veliaj ka shënuar rekord në dhënien e lejeve të ndërtimit, pothuajse deri në atë pikë sa kanë dhënë të gjitha qarqet e tjera sëbashku.

Gjatë vitit 2018 janë miratuar gjithsej 1.194 leje ndërtimi për ndërtesa të reja, nga 819 leje të miratuara në vitin 2017, duke shënuar një rritje prej 45,8 %.

Vetëm në Tiranë janë dhënë 388 lejë ndërtimi përgjatë vitit 2018, ndërsa 11 qarqet e tjera 806 leje ndërtimi.

Në vitin 2017, janë miratuar gjithsej 819 leje ndërtimi për ndërtesa të reja në të gjithë vendin, nga 455 leje të miratuara në vitin 2016, duke shënuar një rritje prej 80 %.

Në të njëjtin vit në Tiranë janë dhënë 231 leje ndërtimi, ndërsa në 11 qarqet e tjera 668 leje ndërtimi.

Në total, gjatë vitit 2016 në Tiranë janë dhënë gjithsej 106 leje ndërtimi, me rritje 18% në raport me vitin e mëparshëm.

Ndërsa gjatë 2015-s, u dhanë gjithsej 90 leje ndërtimi në kryeqytet./CNA.al

Erion Veliaj “vrasësi” dhe mashtruesi që kërkon mandatin e dytë