E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Tabaku hedh akuzat e forta/ Ndryshime ligjore anti-kushtetuese në Kuvend

29 Prill 2019, 10:39, Aktualitet CNA

Ish-nënkryetarja e Komisionit të Ekonomisë, Jorida Tabaku akuzon qeverinë dhe kryeministrin Rama, se vazhdojnë të dërgojnë në Kuvend ndryshime ligjore anti-kushtetuese.

Në një postim në rrjetet sociale, Tabaku shkruan se ligji i fundit është ndryshimi që shton në ligjin nr 4/2015 një formë antikushtetuese të kalimit të pronësisë, tjetërsimin. Ky term nuk ndodhet në kushtetutën e vendit ku përcaktohet shumë mirë se si fitohet një pronë private.

?Ky ndryshim e ngre në një nivel tjetër korrupsionin e ngritur në sistem. Arroganca ka arritur në atë nivel që nuk kanë më frikë nga asgjë, korrupsioni me ligje bëhet diten për diell e votohet nga parlamenti ilegjitim. Ky ligj do të anullohet bashkë me gjithë paketen aktikushtetuese kundër pronës!?-shkruan Tabaku.

Postimi i plotë:

Pasi parlamenti Europian e vendos me shpatulla pas murit per çështjen e pronave, qeveria dhe kryeministri Rama vazhdojne të dërgojnë në Kuvend ndryshime ligjore anti-kushtetuese.

I radhës është ndryshimi që shton në ligjin nr 4/2015 një formë antikushtetuese të kalimit të pronësisë, TJETËRSIMIN.

Ky term nuk ndodhet në kushtetutën e vendit ku përcaktohet shumë mirë se si FITOHET një pronë private; pra përmes dhurimit, trashëgimisë apo dhe blerjes. Kjo shpikje ekstra kushtetuese ka vetëm një synim, ligjërimin e dhurimit të pronës nga e përbashkëta tek oligarku.

Një shpikje në kundërshti edhe me rregullat e BE dhe marrëveshjes së MSA. Që nuk do na çojë më pranë Europës .

Ky është ndryshimi i pestë në rradhë me një paketë ligjore antikushtetuese që nuk duket se është shkruar më zyrat e shtetit por të biznesit që do përfitojë. Së bashku me Korporatën e Investimeve ky është një ligj kuadër që bën të mundur të anashkalojnë Parlamentin e Këshillat Bashkiakë sa herë kanë nevojë të zaptojnë një pronë.

Ky ndryshim e ngre në një nivel tjetër korrupsionin e ngritur në sistem. Arroganca ka arritur në atë nivel që nuk kanë më frikë nga asgjë, korrupsioni me ligje bëhet diten për diell e votohet nga parlamenti ilegjitim. Ky ligj do të anullohet bashkë me gjithë paketen aktikushtetuese kundër pronës!