web counter
LEXO PA REKLAMA!

SHKARKO APP

App Store
Google Play

Skandali me sigurinë ushqimore/ Marku kërkesë urgjente prokurorisë

26 Prill 2019, 10:36, Aktualitet CNA

Prokuroria e Përgjithshme ka reaguar pas skandalit të publikuar në media, në lidhje me sigurinë ushqimore në vend.

Në një njoftim për mediat bëhet e ditur se Kryeprokurorja Marku, i është drejtuar prokurorisë së Beratit si prokurori kompetente me një kërkesë të menjëhershme për vlerësimin ligjor të të gjitha rrethanave dhe fakteve të dyshuara që mund të përbëjnë vepër penale.

Njoftimi i prokurorisë:

Duke marrë shkas nga denoncimet e fundit  të medias së shkruar dhe asaj vizive mbi sigurinë ushqimore, ditën e djeshme, Prokurori i Përgjithshëm i është drejtuar prokurorisë së Beratit si prokurori kompetente me një kërkesë të menjëhershme për vlerësimin ligjor të të gjitha rrethanave dhe fakteve të dyshuara që mund të përbëjnë vepër penale.

Përfitojmë nga rasti të falënderojmë median e njëkohësisht t?ju bëjmë thirrje të gjithë prokurorëve të ushtrojnë  funksionet e tyre duke qenë të ndjeshëm dhe të vëmendshëm ndaj të gjitha burimeve të hapura të informacionit për ngjarjet sensibilizuese dhe me ndjeshmëri për opinionin publik.

Prokuroria e Përgjithshme, në mungesë të kompetencës për të nisur kryesisht hetime, në mënyrë të vazhdueshme u ka kërkuar të gjithë prokurorëve që pavarësinë e tyre ta vendosin në shërbim të zbatimit të ligjit për të rritur  besueshmërinë e publikut./ CNA.al





Lajmet e fundit nga