web counter
LEXO PA REKLAMA!

SHKARKO APP

App Store
Google Play

E fundit!

x

Tragjike/ Vdes minatori, plagoset një tjetër

24 Prill 2019, 12:55, Aktualitet CNA

Një aksident i rëndë, me pasojë vdekjen e një minatori dhe plagosjen e një tjetri ka ndodhur rreth mesditës së sotme në  minierën e fshatit Tërnovë në Bulqizë.

Burimet bëjnë të ditur se viktima është Fafil Stojku 50-vjeç, ndërsa i plagosur ka mbetur Lejtim Ramçi.

Dyshohet se vdekja e tyre ka ardhur nga helmimi nga gazi në minierë.

Ndërkohë, në lidhje me këtë ngjarje të rëndë ka reaguar edhe Konfederata e Sindikatave të Shqipërisë, e cila në një deklaratë për mediat shprehet se vdekja e minatorit ka ardhur për shkak të mungesës së sigurisë në punë.

?Një minator i vdekur dhe një minator i plagosur, është bilanci tragjik i një aksidenti në minierën e fshatit Tërnovë në Bulqizë ditën e sotme.

Shkak I aksidentit është mungesa e kushteve të sigurisë teknike në punë, pasi si pasojë shpërthimit të lëndës plasëse dinamit për hapjen e galerive të reja gazrat helmues janë janë përhapur duke sjellë vdekjen e minatorit Fadil Stojku, 50 vjeç dhe plagosjen e minatorit Lejtim Ramçi.

Galeritë e nëntokës në Dibër po vijojnë të marrin jetë njerëzish teksa Inspektoriati Shtetëror i Punës vijon të heshtë përballë këtyre tragjedive duke mos marrë masat e duhura.

Konfederata e Sindikatave të Shqipërisë I shpreh ngushëllimet familjes Stojku dhe I bën apel Policisë Shtetit dhe Prokurorisë të nisin urgjentish hetimet për zbardhjen e kësaj ngjarjeje të rëndë. Ndërkohë përballë kësaj situatë qeveria duhet urgjentë të miratojë statusin e minatorit.

Më 28  prill Konfederata e Sindikatave të Shqipërisë mban konferencën për sigurinë në punë ku në fokus do jetë mungesa e sigurisë teknike në punë.?-thuhet në reagimin e KSSH./CNA.al





Lajmet e fundit nga