web counter
LEXO PA REKLAMA!

SHKARKO APP

App Store
Google Play

E fundit!

x

Ralf Gjoni ashpërson tonet me Bashën dhe Kryemadhin/ "Heshtët 10 vjet radhazi"

24 Prill 2019, 10:58, Aktualitet CNA

Deputeti i opozitës parlamentare Ralf Gjoni ka dorëzuar sot tek Komisioni i Posaçëm i Reformës Zgjedhore, një amendament me ndryshime për kodin zgjedhor.

Ai ka thënë se janë në Kuvend për të përfaqësuar interesat e qytetarëve.

Sipas Gjonit, nuk është katastrofë nëse shtyhen zgjedhjet lokale, por shtyrja sipas tij, nuk duhet të ndodhë për shkak të frikës që po mbjell Opozita, por për shkak të ndryshimit të sistemit zgjedhor.

“Unë jam shprehur dhe më përpara sa i përket legjitimitetit të zgjedhjeve lokale, por nuk është katastrofë e madhe nëse zgjedhjet shtyhen, jo për shkak të frikës që po mbillet nga opozita, por nëse i shërben ndryshimit të sistemit zgjedhor”, ka thënë Gjoni, i cili ka ftuar më tej partitë opozitare jashtë Kuvendit, që të bëhen pjesë e komisionit të posaçëm të reformës zgjedhore.

Gjoni nuk ka dashur të komentojë më tepër, aksionin e partive opozitare jashtë parlamentit, por sërish i ka shenjëstruar ato.

“Ato parti kanë pasur dhjetë vjet në dispozicion që të bënin propozime për të bërë ndryshime në sistemin zgjedhor. Ndryshimi nuk vjen në rrugë por në parlament. Eja na u bashkangjisni”, ka riapeluar Gjoni./CNA.al





Lajmet e fundit nga