web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet lokale/ Gjashtë kandidatë garojnë si të pavarur

24 Prill 2019, 10:51, Aktualitet CNA

Ndërkohë që opozita ka vendosur të mos marrë pjesë në zgjedhjet vendore të 30 qershorit, duke përsëritur si kusht të panegociueshëm largimin e kryeministrit Rama, mësohet se gjashtë kandidatë janë regjistruar sit ë pavarur.

Burime për CNA.al bëjnë të ditur se mes personave që kanë vendosur të jenë pjesë e garës elektorale të 30 qershorit 2019, janë edhe ish-deputetë apo ish-drejtues të PD-së.

Kështu, burime për CNA.al bëjnë të ditur se ish-deputeti i PD-së, Bedri Hoxha është regjistruar në KZAZ, 17, Klos dhe do të dalë vetë si kandidat.

Kujtojmë këtu se ai ka qënë Kryetar i Bashkisë Klos në Rrethin e Matit nga tetori i vitit 2003 deri në qershor 2009.

KZAZ 88, Bashkia Sarandë, ka regjistruar komitetin nismëtar per paraqitjen e kandidatit për kryetar Bashkie, Ilir Nikolla.

Ilir Nikolla është  ish -kryetari i Këshillit Bashkiak të Sarandës, i cili u largua nga PD pas heqjes të tij si kandidat për kryetarin e degës së PD-së së Sarandës në mënyrë të çuditshme nga Lulzim Basha.

Në KZAZ 86, Bashkia Himarë është regjistruar si kandidat i pavarur, Dhonesios Beleri.

Në Berat, në KZAZ 64, është regjistruar si kandidat i pavarur Plarent Aleksi.

Në KZAZ 70, në Devoll është regjistruar si kandidat i pavarur, Fezi Shaholli, ndërsa në Kurbin në KZAZ 15, është regjistruar si kandidat Nikoll Lleshi./ CNA.al





Lajmet e fundit nga