web counter
LEXO PA REKLAMA!

SHKARKO APP

App Store
Google Play

Gaz Bardhi kundër Bashës/ Në lista ata që nuk i voton as familja

24 Prill 2019, 09:27, Aktualitet CNA

Gazmend Bardhi, Sekretari i Përgjithshëm i Lulzim Bashës, mbrëmjen e djeshme në emisionin ?Tempora? bëri një deklaratë, ku tha se deputetët e listës që janë futur në parlament, nuk i votojnë as familjarët e tyre.

Por, përpara se të analizojmë akuzat e Gazit, ka një pyetje. Po Gazin kush e voton?

Është një bukurosh qafëlesh, që bën fresk përtej politikës.

Deklarata e Gaz Bardhit, ish-ministër i Edi Ramës në qeverinë me Lulzim Bashën, tregon edhe një herë atë që CNA.al e ka shkruar dhe e ka përsëritur pa ndalim, që lista e 2017-ës ishte kryekëput një skandal i Lulzim Bashës dhe tallja e tij me demokratët.

Një listë e dalë nga korrupsioni me familjarët e tij dhe akuzat për mandate të shitura. Kush pagoi më shumë, qëndroi më lart. Kjo është e vërteta e asaj liste. Prandaj poshtë saj, përtej fituesve të parë ka edhe njerëz që marrin vota më shumë se Gazi dhe Luli, të marrë së bashku.

Sido që ta gjykojë, sulmojë apo akuzojë atë listë Gaz Bardhi, së pari duhet të kthejë kokën nga kryetari i tij Lulzim Basha, i cili duhet të kishte dhënë dorëheqjen nga kryetari i PD-së. Por, atë përgjegjësi nuk e mbajti kurrë. Basha nuk mbajti kurrë përgjegjësi për shumë emra jo politik dhe të papërgjegjshëm e pa asnjë vlerë në PD, sikurse është edhe Gaz Bardhi, të cilit i duket se PD-ja historinë e ka filluar ditën që ai ka shkelur aty.

Tani s?ka ngelur gjë tjetër vecse Gazi të na thotë se Luli ka më shumë vota se Saliu dhe se çuni i Fahriut është më i votuar se Lulzim Basha./ CNA.al





Lajmet e fundit nga