web counter
LEXO PA REKLAMA!

SHKARKO APP

App Store
Google Play

E fundit!

x

Grabitja në Rinas/ Artan Hoxha "dush të ftohtë" Sandër Lleshajt

18 Prill 2019, 11:20, Aktualitet CNA

Sot, Ministri i Brendshëm Sandër Lleshaj, tha se nuk cënohet siguria kombëtare me 5 veta që grabitën në Rinas.

Kjo deklaratë ka çuar në reagimin e gazetarit Artan Hoxha, i cili me anë të një postimi në rrjetet sociale, ka ironizuar Lleshajn.

“Që jemi të sigurtë, kjo është një gjë që duket.Thjesht ne nuk e perceptojmë qartë çfarë niveli sigurie kemi. Problemi është që mos na siguroni kaq shumë, sa kur ndahemi me miqtë në rrugë, në vend t’u themi “mirupafshim”, kemi filluar t’u themi “të ruajt zoti” në qiell se në tokë ke kry punë”, ka shkruar Hoxha.

Më tej Hoxha i ashpërsuar tonet ndaj Lleshajt.

“MB Sandër Lleshaj sot në parlament: Nuk cënohet siguria kombëtare me 5 veta. Më falni, po manuali çfarë parashikon për të tilla raste?!!
Sa veta duhet të jenë të armatosur rëndë me Kallashnikov, granata difensive, eksploziv dhe çfarë objekti të rëndësisë së veçantë duhet të sulmojnë ata që të cënohet siguria kombëtare?!!!Kur nuk është cënuar siguria kombëtare, pse dërguam patrullat e ushtrisë me mjete të blinduara të sillen rrotull gardhit të aeroportit?! Që siguria kombëtare të cënohet, sëpari duhet që ajo të ekzistojë. Kur ajo nuk ekziston atëherë është e sigurtë që s’ka kush e cënon”, ka shkruar më tej Hoxha, ndërsa ka publikuar edhe disa foto nga patrullimi i Ushtrisë në Rinas./CNA.al

 





Lajmet e fundit nga