web counter
LEXO PA REKLAMA!

SHKARKO APP

App Store
Google Play

Rikthimi i vizave për shqiptarët/ Alarmon Agron Duka

16 Prill 2019, 17:17, Aktualitet CNA

Kryetari i Partisë Agrare Ambientaliste(PAA), Agron Duka, ka komentuar vendimin e qeverisë holandeze për t?i kërkuar BE-së heqjen e vizave për shtetasit shqiptarë.

Përmes një postimi në rrjetet sociale, Duka shkruan se është e qartë që nuk do të votohet çelja e negociatave në muajin Qershor, sikurse propagandohet nga kryeministri Rama .

Postimi i plotë:

Votimi i Parlamentit holandez për rikthimin e vizave është një kambanë e fortë alarmi për vendin tonë. Pavarësisht se fjalën e fundit mbi lëvizjen e lirë e ka BE-ja, askush nuk mund të jetë aq naiv sa të mendoj se një shtet që kërkon rikthimin e vizave në prill, do të votojë për çeljen e negociatave në qershor.

Tashmë është e qartë se një vend me një Parlament njëngjyrësh, me një krizë të thellë politike dhe besimi kërkon masa të jashtëzakonshme.

Pavarësisht se pak muaj na ndajnë nga vendimmarrja e qershorit, pavarësisht se sfidat e brendshme mund të jenë të shumta, ka ende kohë për ta sjellë vendin në shinat e normalitetit. Ka ende kohë për ta vendosur interesin kombëtar përpara interesave partiake. Ka ende kohë për të punuar, të gjithë bashkë, për t?i dhënë Shqipërisë perspektivën europiane që meriton. /CNA.al





Lajmet e fundit nga