web counter
LEXO PA REKLAMA!

SHKARKO APP

App Store
Google Play

E fundit!

x

Turqia: Mund të blejmë sisteme shtesë të mbrojtjes ajrore nga Rusia

10 Prill 2019, 16:58, Aktualitet CNA

Turqia paralajmëroi të mërkurën se mund të blejë avionë dhe sisteme shtesë të mbrojtjes ajrore nga Rusia nëse Uashingtoni nuk do t?i shesë asaj sistemet e mbrotjes raketore Patriot dhe aeroplanët F-35.

Kjo ka rritur mundësinë e lidhjeve më të forta të mbrojtjes mes Moskës dhe Turqisë, një vend anëtar i NATO-s.

Planet ekzistuese të presidentit Tayyip Erdogan për të blerë sistemin rus S-400 kanë alarmuar Shtetet e Bashkuara që thonë se sistemi nuk është në përputhje me ato e NATO-s dhe se do të komprometonte sigurinë e avionëve F-35 që Turqia synon të marrë nga SHBA.

Uashingtoni i ka ofruar Ankarasë dy mundësi, duke i propozuar t?i shesë si sistemet Patriot në vend të S-400-s, por në të njëjtën kohë e ka paralajmëruar për sanksione dhe se do të ndalë shitjet e avionëve F-35, nëse Ankaraja blen sistemet ruse të mbrotjes.

Turqia nuk ka dhënë shenja tërheqjeje dhe zoti Erdogan, i cili zhvilloi bisedime me presidentin Vladimir Putin këtë javë në Moskë, u citua të ketë thënë të mërkurën se marrja e porosisë së parë për sisteme S-400 mund të ndodhë edhe më shpejt sesa muaji korrik, afati i paracaktuar.

Ministri i Jashtëm turk Mevlut Çavusoglu përsëriti gjithashtu qëndrimin e Ankarasë se blerja e S-400-s është një marrëveshje e mbyllur dhe se vendi i tij do t?i plotësohte nevojat në fushën e mbrojtjes nga vende të tjera, nëse kjo do të ishte e nevojshme.

?Nëse Shtetet e Bashkuara janë të gatshme t?i shesin, atëherë ne do t?i blejmë sistemet Patriot. Por nëse Shtetet e Bashkuara nuk duan, ne mund të blejmë më shumë S-400 apo sisteme të tjera. Ka sisteme ruse SU-34, SU-57 e të tjera. Do të plotësojmë absolutisht nevojat gjetkë derisa të jemi në gjendje t?i prodhojmë vetë?, tha zoti Cavusoglu për transmetuesin televiziv turk NTV.

I pyetur mbi komentet e zotit Cavusoglu, zëdhënësi i Kremlinit Dmitri Peskov tha se Rusia po shihte mundësinë e zgjerimit të bashkëpunimit ushtarak e teknik me Turqinë. “Ky është një proces absolutisht normal“, u tha ai gazetarëve.

Të martën, udhëheqësit e komisionit për Marrëdhëniet me Jashtë dhe Forcave të Armatosura në Senatin amerikan paralajmëruan Turqinë se po rrezikon sanksione të ashpra nëse vazhdon me planet për të blerë sistemet S-400.

“Deri në fund të vitit, Turqia do të ketë ose avionë të avancuar luftarakë F-35 ose një sistem rus S-400 të mbrojtjes nga raketat, por nuk mund t?i ketë të dyja“, thanë senatorët republikanë Jim Risch dhe Jim Inhofe si dhe senatorët demokratë Bob Menendez e Jack Reed.

Mosmarrëveshjet e krijuara lidhur me blerjen e sistemeve S-400 janë vetëm një tregues i marrëdhënieve të tendosura mes dy aleatëve të NATO-s.

Ata kanë gjithashtu mosmarrëveshje lidhur me strategjinë ushtarake në Sirinë veriore, sanksionet ndaj Iranit si dhe ndalimin e stafit lokal të konsullatës amerikane./voa/





Lajmet e fundit nga