web counter
LEXO PA REKLAMA!

SHKARKO APP

App Store
Google Play

E fundit!

x

Nga makinat tek tepsia e pushtetit/ "Djali" i Monika Kryemadhit pazare me votat

10 Prill 2019, 14:52, Aktualitet CNA

Ish-deputetët e PD dhe LSI, ndonëse dolën me vullnet të plotë nga Parlamenti, nuk kanë hequr dorë nga pagesat dhe lukset që iu ofron posti që kanë pasur.

Ata kanë djegur mandatet, dhe trumbetohen si qytetarë të lirë, ndërkohë që po vijojnë të “zhvasin” taksat tona.

CNA.al do të zbardhë pasuritë e deklaruara të ish-deputetëve, që qajnë dhe vajtojnë në rrugë për varfërinë e qytetarëve, pasi xhepat e tyre nuk i kanë bosh.

Deklaratat e pasurisë, i nxjerrin zbuluar ish-deputetët, që kërcasin dhëmbët se po iu dhimbsen qytetarët.

Endrit Brahimllari, është ish-deputet i LSI-së, apo siç është lakuar më herët në media, ai  është djali tjetër i Monika Kryemadhit.

Emri i Brahimllarit është përmendur në media si një nga zyrtarët e LSI, që në këmbim të votës premton vende pune. Megjithëse LSI e ka specialitet dhe ekskluzivitet këtë metodë, pasi nuk i ndahet shpirti nga tepsia e pushtetit. Këtej shahet e nga ana tjetër puthet herë me PD e herë me PS.

Nga viti 2008-2016, Brahimllari ka qenë kryetar i LRI, në vitin 2016 është zgjedhur Sekretar i Përgjithshëm i LSI, dhe në vitin 2017 kryetar i LSI, dega Tiranë. Përgjatë viteve 2010-2013 ai ka qenë këshilltar i Administratorit të KESH. Në vitet 2015-2016 ka qenë pedagog i Jashtëm në Fakultetin e Shkencave Sociale, ndërsa përgjatë viteve  2013- 2017 ai ka qenë drejtor Kabineti prane OST sh.a.

Me largimin e LSI -së nga tepsia e pushtetit, ai mbeti vetëm deputet, post, prej të cilit hoqi dorë, para rreth dy muajsh.

Sa i përket pasurisë, të paktën për dy vitet 2006 dhe 2017, sipas të dhënave të Open Spending Albania rezulton se Brahimllari, ka të paktën tetë burime të ardhurash.

Në vitin 2016, ai ka deklaruar se posedon tre makina. Një veture tip Ford Focus, blerë më 29.08.2009 që kushton 6 500 euro, një Audi A6, blerë më 06.06.2017 që kushton  720 000 lekë dhe një  veture tip Range Rover, blerë më 02.10.2017 me të ardhura nga paga ndër vite, 10 000 euro.

Më poshtë po sjellim deklaratat e pasurisë së Endrit Brahimllarit

Viti 2016

Gjendje llogari bankare më 09.09.2017, 3 038 lekë.

Gjendje llogari bankare më 09.09.2017, 100 062 lekë.

Gjendje llogari bankare më 09.09.2017, 8 294 lekë.

Gjendje para cash më 09.09.2017, 800 000 lekë.

Pronar me 100% i një veture tip Ford Focus, blerë më 29.08.2009 me të ardhura familjare, 6 500 euro.

Pronar me 100% i një veture tip Audi A6, blerë më 06.06.2017 me të ardhura nga shitje veturës tip Benz, 720 000 lekë.

Pronar me 100% i një veture tip Range Rover, blerë më 02.10.2017 me të ardhura nga paga ndër vite, 10 000 euro.

Viti 2017

Të ardhura nga paga si Drejtor Kabineti i Operatorit të Sistemit të Transmetimit të Energjisë, 365 133 lekë.

Të ardhura nga paga si Sekretar i Përgjithshëm i Lëvizjes Socialiste për Integrim, 288 612 lekë.

Të ardhura nga paga vjetore neto që nga marrja e detyrës, 436 557 lekë.

Të ardhura për rimbursim karburanti, 82 044 lekë.

Të ardhura për rimbursim shpenzimesh telefoni, 46 467 lekë.

Të ardhura nga honoraret për mbledhjet e komisioneve parlamentare, 17 000 lekë neto.

Të ardhura nga dieta brenda vendit, 112 875 lekë.

Të ardhura si Anëtar i Këshillit Bashkiak Tiranë, 115 600 lekë.

Të ardhura nga shitja e autoveturës tip ‘Ford Focus’, shitur më 0.10.2017, vlera 1 000 euro.

Gjendja e llogarisë së pagës në Credins Bank, pakësim, 43 324 lekë, gjendja më 31.12.2017 është 56 738 lekë.

Gjendja e llogarisë rrjedhëse në Credins Bank, të ardhura nga paga e deputetit dhe gjendja cash e deklarimit fillestar, 350 295 lekë.

Gjendja e llogarisë së pagës në BKT, paga ndër vite, 3 693 lekë.

Gjendja cash, te ardhura nga paga ndër vite dhe shitja e autoveturës, pakësim 300 000 lekë.

Kartë krediti në Credins Bank, vlera 50 000 lekë overdraft./CNA.al

 

 





Lajmet e fundit nga