web counter
LEXO PA REKLAMA!

SHKARKO APP

App Store
Google Play

Grabitja në Rinas/ Breçani: Dështimi i radhës, u vu në rrezik siguria kombëtare

10 Prill 2019, 13:22, Aktualitet CNA

Erzen Breçani, ish drejtues i lartë i Policisë, ka komentuar ngjarjen e rëndë e ndodhur në aeroportin e Rinasit, ku një bandë e maskuar ka grabitur një shumë të madhe parash.

“Ky është dështimi i radhës në një objekt i rëndësisë së veçantë. Plani i masave është marrë por nuk është zbatuar, dhe ka lenë policinë të papërgatitur në një rast kaq të rëndë, që ka vënë në rrezik edhe sigurinë kombëtare?.-tha Erzen Breçani për A2 CNN

Në media është diskutuar që në perimetrin e pistës nuk lejohet kontrolli i armatosur, por Breçani e mohon këtë, duke thënë se një kontroll i tillë zhvillohet por është ekskluzivitet i policisë së shtetit.-raporton A2 CNN.

Fajin sipas tij e ka ?mungesa e koordinimit e shërbimit të policisë dhe policisë private?. Duke nënvizuar faktin që  brenda Rinasit ka një sallë koordinimi të policisë, ai thotë që ?është e papranueshme që nuk kanë kryer detyrat funksionale? në parandalimin e ngjarjes së rëndë.

Sipas Breçanit , drejtuesit e lartë të policisë si dhe ministri i brendshëm ?janë më të interesuar të kthejnë përgjigje politike opozitës sesa të marrin masat e duhura?.

Breçani thotë që personi i vrarë ka tashmë një identitet të përcaktuar, edhe pse nuk e thotë atë, dhe që kjo do të sjellë edhe në identifikimin e bashkëpunëtorëve.

Breçani komentoi edhe përdorimin e forcës nga forcat e rendit në zonën e Bregut të Lumit, ku u përdor edhe gaz lotsjellës, duke i bërë apel policisë që të përdorë këto mjete që kanë pasoja fizike te njerëzit ? vetëm në fund, pas fazës së negocimit dhe jo në ambiente të mbyllura?.





Lajmet e fundit nga