web counter
LEXO PA REKLAMA!

SHKARKO APP

App Store
Google Play

E fundit!

x

“Shkundet” Drejtoria e Akreditimit të Institucioneve Shëndetësore/ Ndëshkohen 9 zyrtarë

10 Prill 2019, 11:42, Aktualitet CNA

Ministrja e Drejtësisë, Etilda Gjonaj, në një deklaratë për mediat ka bërë raportimin javor të rezultateve Task Forcës Antikorrupsion.

Gjonaj tha se këtë javë Task Forca Antikorrupsion  ka gjetur me shkelje Drejtorinë e Akreditimit të Institucioneve Shëndetësore, ku ka kërkuar vërejtje për drejtorin, përgjegjësin dhe 7 specialistë të këtij institucioni.

?Nga kontrolli janë gjetur parregullsi në mbajtjen e dokumenteve në mospërputhje me ligjin në procedurat e akreditimit të institucioneve shëndetësore. Janë rekomanduar 9 masa, vërejtje për drejtorin e institucionit, përgjegjësin dhe 7 specialistë të akreditimit dhe të drejtave të pacientit. Janë marrë masa për përmirësimin e veprimtarisë së institucionit? deklaroi ajo.

Sipas Gjonajt, nga kontrolli janë evidentuar shkeljet në vijim;

-Parregullsi dhe mangësi në mbajtjen dhe evidentimin e dokumentacionit ligjor në mospërputhje me respektimin e parashikimeve ligjore në procedurat e akreditimit të institucioneve shëndetësore;

-Institucioni gjatë kësaj peridhe ka kryer përpjekje minimale për nxitjen dhe ndërgjegjësimin e institucioneve shëndetësore për të filluar dhe finalizuar procedurën ligjore të akreditimit apo arritjen/mbajtjen e standardeve shëndetësore të miratuara nga Ministria e Shëndetësisë të ofrimit të shërbimit shëndetësor për qytetarët;

-Vizitat e mbikëqyrjes së akreditimit, nuk kryhen rregullisht, periodikisht çdo një vit pas akreditimit, sipas parashikimit ligjor të detyrueshëm, qëllimi i të cilit  është vlerësimi i vazhdueshmërisë së plotësimit të standardeve për akreditim, në kundërshtim kështu më legjislacionin në fuqi.?/CNA.al





Lajmet e fundit nga