Rudina Hajdari takon Jonathan Moore/ Basha ngelet me “gisht në gojë”

6 Prill 2019, 06:24, Aktualitet CNA

Deputetja e Partisë Demokratike, Rudina Hajdari, e cila nuk iu bind vendimit të kryedemokratit Basha për të lënë mandatin e deputetes, vijon të zhvillojë takime me ndërkombëtarët.

Mësohet se së fundi, deputetja Hajdari ka një takim me Jonathan Moore, Zëvendës Ndihmës Sekretar i Përgjithshëm në Departamentin Amerikan të Shtetit për Organizatat Ndërkombëtare.

Lajmi është bërë i ditura nga vetë deputetja Hajdari, e cila në një postim në rrjetet sociale shkruan se Departamenti Amerikan i Shtetit ka në vëmendje të veçantë situatën e pazakontë politike në të cilën gjendet vendi ynë aktualisht.

Më tej, deputetja Hajdari shkruan se ?Shqipëria është prej më shumë se dy dekadash anëtare e Këshillit të Evropës, prej 10 vitesh anëtare me të drejta të plota e Aleancës së Atlantikut të Veriut dhe aspiron që së shpejti të jetë anëtare Bashkimit Evropian. Të gjithë ingredintët diktojnë domosdoshmërinë për rivendosjen e rendit Kushtetues dhe Shtetit të së Drejtës.?

Sipas saj, qytetarët Shqiptarë meritojnë dhe duhet të gëzojnë paqe sociale, rend dhe siguri, sundim të ligjit, politika afat-gjata zhvilluese, progres ekonomiko-social, integritet institucional, përgjegjshmëri dhe mirëqeverisje.

Gjithashtu Hajdari vlerëson rolin e SHBA-së, në Shqipërië, si aleatët që na janë gjendur pranë në sfida jetike.

?Shtetet e Bashkuara të Amerikës përfaqësojnë për çdo qytetar Shqiptar aleatët e bekuar të Shqipërisë që na janë gjendur pranë në sfida jetike të përmasave historike si engjull mbrojtës duke na udhëzuar në zgjidhje të dobishme dhe largëpamëse që nxjerrin faqebarrdhë Shqipërinë dhe qytetarët e saj.?-shkruan Rudina Hajdari.

Gjithashtu ajo ka edhe një mesazh për politikën, ndërsa thekson së e kanë përgjegjësi të angazhohen për të gjetur një zgjidhje për krizën që po kalon Shqipëria.

?Aktorët politik kanë përgjegjësinë që të angazhohen një orë e më parë në mënyrë serioze, të sinqertë dhe profesionale për të orientuar një zgjidhje politiko-institucionale afatgjatë në frymën e Kushtetutës që të jetë e gjithëpranueshme për t’i dhënë fund krizës së paprecedentë në cilën gjendet sot Shqipëria, me objektiv për të siguruar një zgjidhje që garanton në radhë të parë interesin e qytetarëve dhe të kombit për forcimin demokracisë dhe aspiratës Evropiane.?-përfundon postimi i Rudina Hajdarit./ CNA.al