web counter
LEXO PA REKLAMA!

SHKARKO APP

App Store
Google Play

Kriza politike/ Rama dhe Basha flasin për “Zërin e Amerikës”

5 Prill 2019, 19:28, Aktualitet CNA

Radioja “Zëri i Amerikës” i ka kushtuar një kronikë, në edicionin e lajmeve në gjuhën angleze, situatës politike në Shqipëri.

Gazetarja Sabina Castelfranco ka ardhur në Shqipëri dhe ka marrë prononcime nga kreu i opozitës, Lulzim Basha, dhe kryeministri Edi Rama.

Kronika hapet me një video, nga protestat e opozitës në Tiranë, nga ku raportohet:

?Protesta të përjavshme po shënohen në rrugët e Tiranës, përpara se BE do të vendosë në Qershor nëse do të ecë përpara me bisedimin për pranimin e Shqipërisë si anëtar. PD e opozitës thotë se nuk do marrë pjesë në zgjedhjet lokale në Qershor nëse nuk dorëhiqet kryeministri Rama dhe nuk krijohet një qeveri tranzitore.?

Më tej në kronikë është dhe një prononcim i Lulzim Bashës, i cili edhe në këtë intervistë i ka qëndruar kërkesës së tij për dorëheqjen e kryeministrit Edi Rama dhe krijimin e një qeverie tranzitore.

?Dorëheqje e Ramës dhe një qeveri tranzitore, e përbërë nga socialistë që nuk janë të lidhur me krimin, që do u lirojnë së pari duart prokurorëve për të sjellë përpara drejtësisë politikanët që janë kapur duke vjedhur zgjedhjet e vitit 2017 dhe do punojnë me opozitën për të përparuar reformën zgjedhore dhe atë në drejtësi?, thotë Basha.

Ndërsa në prononcimin e tij për VOA, kryeministri Edi Rama, deklaroi se ne jetojmë në një vend të lirë.

?Ne jetojmë në një vend të lirë. Natyrisht nuk është akoma një demokraci e konsoliduar. Por jemi mjaftueshëm solidë sa duhet për të kuptuar dhe për t?u sjellë bazuar mbi parimin se zgjedhjet janë për të gjithë?,-deklaroi Rama.

Në mbyllje të kronikës gazetarja shprehu shqetësimin e saj për rrugëtimin e Shqipërisë në BE./CNA.al





Lajmet e fundit nga