web counter
LEXO PA REKLAMA!

SHKARKO APP

App Store
Google Play

E fundit!

x

Kandidatët për SPAK në duar të "klanit" të Arta Markut

1 Prill 2019, 10:50, Aktualitet CNA

27 janë kandidatë, përkatësisht prokurorë, kanë aplikuar për t’u bërë pjesë e SPAK-ut.

Sot, Këshilli i Lartë i Prokurorisë, ka hedhur shortin për Komisionin e Posaçëm për vlerësimin e kandidatëve të SPAK.

Kështu janë përzgjedhur 3 kandidatura nga anëtarët jo prokurorë, të cilët janë  Nurihan Seiti, Tartar Bazaj dhe Gent Ibrahimi.

Pas hedhjes së shortit, Tartar Bazaj do të jetë anëtari i 5-të i Komisionit të Posaçëm.

Ndërsa nga ana e anëtarëve prokurorë në KLP është Besnik Cani.  Emrat e përzgjedhur njihen ndryshe dhe si “klani” i Arta Markut.

SPAK-u së bashku me Gjykatën speciale, konsiderohen si dy organet kyçe për të shënuar një kthesë në luftën ndaj korrupsionit në Shqipëri.

Përveç nënshtrimit ndaj procesit të rivlerësimit, anëtarët e Prokurorisë speciale do të duhet të plotësojnë dhe një sërë kriteresh të tjera të rrepta, përfshirë detyrimin që të gjitha komunikimet telefonike dhe elektronike, apo dhe llogaritë bankare të tyre dhe familjarëve të ngushtë, të mund të jenë nën kontroll të vazhdueshëm.

Me formimin e Prokurorisë dhe Gjykatës speciale, hapet dhe rruga për krijimin e Byrosë Kombëtare të Hetimit, e cila do të funksionojë sipas modelit të FBI-së amerikane./CNA.al

 





Lajmet e fundit nga